SAN MATEO 12:12 - Dios Rimashcata Quillcashcami

¹² Runaca ovejatapish yalli valinmi. Chaimanta samana punzhapica, imapish allitaca ruhuanallami— nirca.

Nuevo Testamento en Quichua Cañar 1996

¹² Runacarin ovejatapish atishpami, ashtahuan valin. Chaimanta samana punzhapica, imapish allitaca ruhuanallami— nirca.

SAN MATEO 12:12 Referans Kwoze

SAN MATEO 6:26

Volac animalcunata ricushpa yuyarichic. Chaicunaca mana tarpunchu, mana cosechanchu, grano huacaichinatapish mana huacaichinchu. Chashna cacpipish jahua pachapi tiyac cancunapac Diosca caranllami. Cancunacarin, ¡zhutacunatapish yallimari valinguichic!

SAN LUCAS 6:9

Jesusca chaipi caccunataca: —Cancunataca caillata tapusha: ¿Samana punzhapica, allitachu ruhuana, mana cashpaca mana allita ruhuanachu alli canga? ¿Huañuimanta quishpichinachu, mana cashpaca, causaita quichunachu alli canga?— nirca.

MARCOS 3:4

Jesús chaipi caccunata tapushpaca: —¿Samana punzhapica allita ruhuanachu alli canga, mana cashpaca mana allita ruhuanachu alli canga? ¿Huañuimanta quishpichinachu alli canga, mana cashpaca huañuchinachu alli canga?— nirca. Ashtahuanpish paicunaca upallami carcacuna.

SAN MATEO 10:31

Chaimanta gentecunata ama manchanguichicchu. Cancunacarin, achca zhutacunatapish yalli valicmari canguichic.

SAN LUCAS 12:24

Zhutacunata ricuichic. Paicunaca mana tarpunchu, shinallatac mana cosechanchu, mana huacaichinchu. Maipi huacaichinallatapish mana charinchu. Chashna cacpipish Diosca caranllami. ¡Cancunacarin, zhutacunatapish yalli valicmi canguichic!

SAN LUCAS 14:1

Shuc samana punzhapimi Jesusca mandac fariseopac huasipi micungapac yaicurca. Chaipimi caishuc fariseocunaca Jesusta ima shinapish juchanchingapac chapacurca.