SAN MATEO 12:10 - Dios Rimashcata Quillcashcami

¹⁰ Chaipimi maqui chaquishca shuc runa tiyacurca. Chaipi cac gentecuna Jesusta juchanchingaraicu tapushpaca: —Mandashcapica, ¿samana punzhapipish ungushcata alliyachichun ninchu?— nirca.

Nuevo Testamento en Quichua Cañar 1996

¹⁰ Chaipimi shuc maqui chaquishca runa tiyacurca. Chaipi cac gentecunaca juchanchingaraicumi Jesustaca: —Mandashcapi nishca shinaca, samana punzhapi*f** ungushca runata alliyachinaca, ¿allichu canga?— nishpa tapurcacuna.

SAN MATEO 12:10 Referans Kwoze

SAN LUCAS 13:14

Tandanacuna huasipi mandacca, Jesús samana punzhapi alliyachishcamantami yallita piñarishpa, chaipi caccunataca: —Semanapica sucta punzhallatami trabajana. Chai punzhacunapimi jambichingapacca shamuna canguichic, samana punzhapica mana— nirca.

SAN JUAN 9:16

Shina nicpi, maijan fariseocunaca: —Samana punzhata mana cazunchu, paica mana Diosmantachu shamushca— nirca. Cutin maijanca: —Shuc juchayuc runaca, ¿ima shinatac milagrocunataca ruhuangayari?— nirca. Chashna ninacushpami, paicunapura chicanyarinacurca.

SAN JUAN 8:6

Jesús mana allita nicpica, juchanchingapacmi chashnaca tapurca. Ashtahuanpish Jesusca cumurishpami, maqui dedohuan pambapi quillcacurca.

SAN JUAN 5:10

Chaimantami mandac israelcunaca chai alliyashca runataca: —Cunanca samana punzhami. Canta huandumushcataca mana apanachu cangui— nirca.

SAN LUCAS 11:54

Ima mana allita nicpica, juchanchingapacmi chashnaca tapurca.

SAN MATEO 12:2

Chaita fariseocuna ricushpami, Jesustaca: —Uyai, cambac yachacuccunaca samana punzhapi mana ruhuana cashcatami ruhuacun— nirca.

ZACARÍAS 11:17

¡Aij, manada ovejacunata shitac, mana vali michiclla! Paipac rigratapish, alli lado ñahuitapish, espadahuan chugrichichun. Paipac rigrapish tucui chaquichun. Alli lado ñahuipish amsayachun» nirca.

ISAÍAS 32:6

Misa runaca misa canamantami parlan. Paipac shungupica millaita ruhuanallatami yuyaricun. Mandac Diostapish mana cazushpami burlan. Yarcaihuan caccunatapish chushac maquitami saquin. Yacunayaihuan caccunamanpish yacuta mana cunchu.

SAN JUAN 5:3

Chai yaicunapica tauca ungushcacunami tiyac carca. Paicunaca ñahui mana ricuccuna, suchucuna, paralisis ungushcacunami carca.

SAN LUCAS 23:2

Paipac ñaupapica Jesustaca juchanchishpaca: —Cai runataca mandacta ama cazuchunmi gentecunata jatarichicucta japircanchic. Paica: “Ñucami Jatun Mandac Cristo cani” nishpami, impuestota jatun mandac Cesarman ama pagachun ninmi— nirca.

SAN LUCAS 23:14

—Cai runataca ‘Gentecunatami mana allita yachachicun’ nishpami, juchanchishpa apamushcanguichic. Cai runata cancunapac ñaupapi tapushpaca, ima cancuna juchanchishcata mana tarinichu.

SAN LUCAS 20:22

¿Jatun mandac Cesarmanca impuestota paganachu, mana cashpaca mana?— nishpa tapurca.

SAN MATEO 19:3

Chaimantami maijan fariseocuna Jesuspacman cuchuyashpa, paita pandachisha nishpaca: —¿Cusaca huarmimanta raquirinaca allichu canga?— nishpa, tapurca.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

MARCOS 3:2

Fariseocunaca Jesusta juchanchingaraicumi chai runata samana punzhapi allichicta ricuracurcacuna.

SAN JUAN 7:23

Moisés mandashcata mana paquingaraicumi, samana punzhapipish circuncisionta ruhuanguichic. Shinashpaca, ¿ima nishpatac samana punzhapi ungushca runata ñuca alliyachishcamantaca piñaringuichic?