SAN MATEO 11:3 - Dios Rimashcata Quillcashcami

³ Paicuna rishpaca: —¿Canchu chai shamuna cashca Quishpichic Cristoca cangui? Mana cashpaca, ¿shuctachu shuyana canchic?— nirca.

Nuevo Testamento en Quichua Cañar 1996

³ Chashna cachacpi paicuna chayashpaca: —¿Canchu chai shamuna cashca Quishpichic Cristoca cangui? Mana cashpaca, ¿shuctachu shuyana canchic?— nishpa tapurcacuna.

SAN MATEO 11:3 Referans Kwoze

SAN JUAN 11:27

Shina nicpimi Martaca: —Ari, Apunchic Jesús crinimi. Canca Diospac Churimi cangui. Cai pachaman shamuna cashca Cristomi cangui— nirca.

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

HEBREOS 10:37

Dios quillcachishcapica: «Shamucca ñallami shamunga, mana unaiyangachu.

MIQUEAS 5:2

Mandac Diosca: «Efrata nishca Belenlla, canca Judá llacta familiapurapica tucuimanta yalli uchilla pueblomi cangui. Canmantami Israel llactata Mandacca llucshinga. Paica ñaupa huata miranacuimantami shamun» ninmi.

SAN JUAN 7:31

Ashtahuanpish achca gentecuna paita crishpaca: —Cristo shamushpaca, ¿cai runa ruhuashcamanta yallichu milagrocunata ruhuanga?— nircacuna.

SAN JUAN 6:14

Jesús chai milagrota ruhuacta gentecuna ricushpaca: «Cai runaca cai pachaman shamuna cashca Dios ima nishcata huillacmi» nirca.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

SAN JUAN 16:14

Paica ñucamanta chasquishpami cancunaman yachachinga. Chaimantami ñucata jatunyachinga.

SAN JUAN 12:13

ramacunata pitishpa tupangapac llucshirca. Chashna llucshishpaca: —¡Quishpichicca alli nishca cachun! ¡Mandac Diospac shutipi shamuc, israelcunata Jatun Mandacca tucuipac alli nishca cachun!— nishpami caparirca.

SAN JUAN 4:21

Jesusca chai huarmitaca: —Mana cai urcullapi, mana Jerusalenllapi Diosta mañana punzhacuna chayamucunmi. Chaitaca crinami cangui.

SAN LUCAS 19:38

Paicuna caparishpaca: —¡Diospac shutipi shamucuc Jatun Mandacca alli nishca cachun! ¡Jahua pachapipish alli sumac cushicui cachun! ¡Diostapish alli nishca cachun!— nishpami caparirca.

MARCOS 11:9

Chashna churashpami, Jesuspac ñaupata riccunapish, huashata catishpa riccunapish: —¡Dios cachashca shamucucca, alli nishca cachun! ¡Sumac cushicui cachun!

SAN MATEO 21:9

Chashnami huashata riccunapish, ñaupashpa riccunapish: «¡Mandac Davidpac aillupuramanta Apunchic Jesús quishpichiyari! ¡Dios cachashca shamucca, alli nishca cachun! ¡Jahua pachapipish alli nishca cachun!» nishpa caparircacuna.

SAN MATEO 21:5

«Sión pueblopi causaccunataca: “Jatun Mandacca cuyai shunguhuanmi burropi montashca cancunapacman shamucun. Paica aparic burropac huahua burritopimi montashca shamucun” nishcami» nirca.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

HAGEO 2:7

Tucui llactacunapi causaccunatami chucchuchisha. Chashna ruhuacpimi, tucui llactacunapi causaccunaca sumac charishcacunata apamunga. Chaicunahuanmi cai huasipica sumacyachishca canga.

ABDÍAS 1:21

Esaupac urcupi quishpirishca runacunaca mandangapacmi Sión urcuman huichai ringa. ¡Chashnami mandanaca Mandac Diospaclla canga!

OSEAS 3:5

Chai quipami, israelcunaca cutishpa, paicunata Mandac Diostapish, jatun mandac Davidtapish yuyaringa. Tucuri punzhacunami allita japingapac Mandac Diospacman chucchushpa cuchuyanga.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

SALMOS 118:26

¡Mandac Diospac shutipi shamucca alli nishca cachun! Mandac Diospac huasimantami cancunata alli ninchic.

NÚMEROS 24:17

Ñucaca paita cunan mana ricushpapish, quipaman ricushami. Ricushpapish mana cuchumanta ricushachu. Jacobopac churicunamantaca shuc luceromi llucshinga. Paicunamantaca jatun mandac varayucmi llucshinga. Paimi Moabpi causaccunata ringripi huactashpa, cutin Setpac churicunataca umapi llapishpa tucuchinga.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

GÉNESIS 12:3

Canta alli niccunataca alli nishami, mana alli niccunataca mana alli nishachu. Canmantami tucui cai pachapi causaccunaca bendiciashca canga» nirca.

SAN MATEO 11:4

Chashna tapucpimi Jesusca: —Caipi imata ricushcatapish, uyashcatapish Juanman huillagrichic.

SAN MATEO 11:10

Dios quillcachishcapi Juanmanta rimashpaca: “Ñuca ima nishcata huillactaca, Quishpichic shamuna ñanta allichichunmi, ñaupachishpa cachani” nicunmi.