SAN MATEO 11:24 - Dios Rimashcata Quillcashcami

²⁴ Taripana punzhapica Sodoma pueblopi causac millai gentecunata yalli cancunaca llaquichishca canguichic, ninimi» nirca.

Nuevo Testamento en Quichua Cañar 1996

²⁴ Chaimantami Taita Dios taripana punzhapica, Sodoma pueblopi causashca millai gentecunata yalli cancunataca llaquichishca canguichic, ninimi” nirca.

SAN MATEO 11:24 Referans Kwoze

SAN MATEO 10:15

Taripana punzhapica Sodoma pueblota, Gomorra pueblota llaquichishcatapish yallimi chai pueblopi causaccunaca llaquita apanga. Chaica, chashnatacmi canga.

SAN MATEO 11:22

Taripana punzhapica, Tiro pueblopi, Sidón pueblopi causaccunata yallimi cancunaca llaquichishca canguichic.

MARCOS 6:11

Maijan llactapi cancunata mana chasquishpa, cancuna huillashcatapish mana uyashun nicpica, llucshishpa ringuichiclla. Chai llacta llaquita apana cashcata ricuchingapacca, cancunapac chaquipi catirishca allpatapish chaspishpa ringuichic— nirca.

LAMENTACIONES 4:6

Ñuca llactapi causaccunaca Sodomapi causaccunamanta yalli juchatami ruhuashca. Chai puebloca manapish pi llaquichicpimi, cungailla chingarirca. Chai pueblotaca pipish mana ayudarcachu.

SAN LUCAS 10:12

Ñucaca: Taripana punzhapica, Sodoma pueblopi causaccunata yallimi chai pueblopi causaccunaca llaquita apanga.

JEREMÍAS 23:14

Shinallatac Jerusalenmanta huillaccunataca mana ricuipaccunata ruhuacuctami ricurcani. Paicunaca huainayashpa juchacunata ruhuashpa, llullashpallami purincuna. Shinallatac mana allita ruhuaccunatami cushichin. Chaimantami ñucapacmanca pipish mana cutin. Ñuca ñaupapica tucui paicunami Sodoma pueblopi causaccuna shina. Cutin Jerusalenpi causaccunaca Gomorrapi causaccuna shinami.

EZEQUIEL 16:48

Mandac Dios ñuca shutipimi nini: Cambac ñaña Sodomapish, paipac huahuacunapish mana cambac huahuacuna shinachu ruhuashca.

SAN MATEO 23:14

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca viuda huarmicunapac huasicunata quichuccunami canguichic. Chashna ruhuashpaca, unaicamanmi Diosta mañac tucunguichic. Chaimantami cancunaca yallita llaquichishca canguichic.