SAN MATEO 10:28 - Dios Rimashcata Quillcashcami

²⁸ Cuerpota huañuchiccunataca ama manchanguichicchu. Cuerpota huañuchishpapish, almataca mana huañuchi pudingachu. Ashtahuancarin almatapish, cuerpotapish ucu pachaman cachac Diosta manchanguichic.

Nuevo Testamento en Quichua Cañar 1996

²⁸ Cuerpota huañuchiccunataca mana manchanachu canguichic. Cuerpota huañuchishpapish, cancunapac almataca mana huañuchi pudingacunachu. Ashtahuancarin almatapish, cuerpotapish ucu pachaman cachac Taita Diostami manchana canguichic.

SAN MATEO 10:28 Referans Kwoze

APOCALIPSIS 2:10

Cantaca llaquicuna japigricunmi. Shina cacpipish ama manchanguichu. Crishpa catincunatachu imami nishpami, maijan cancunataca diablo carcelpi churanga. Chaipica chunga punzhatami llaquita apanguichic. Shina cacpipish huañungacaman ñucata caticpica huiñai causaita ricuchic coronatami cusha.

SANTIAGO 4:12

Mandashcata cucca shinallatac taripacca shucllami can. Paillatacmi quishpichinga, mana cashpaca, jatun llaquiman cachanga. Ashtahuanpish shuccunata mana alli nishpa juchanchingapacca, ¿canca imatac canguiyari?

JEREMÍAS 5:22

¿Manachu ñucataca manchanguichic? Ñuca ñaupapica, ¿manachu chucchunguichic? Ñucami tiyu allpataca mama cucha patapi huiñai huiñaita lindero cachun churarcani. Mama cucha sinchita huac nishpa shamushpapish mana pasangachu.

ISAÍAS 51:12

Mandac Diosca: «Ñucami cancunata cushichic cani. ¿Ima nishpatac cupa shina huañushpa chingariclla runata mañanguichic?

ECLESIASTÉS 5:7

Chaica, muscuc shina imatapish yuyacucpica, yanga yuyaicunapish, yanga rimaicunapish llucshinmi. Ashtahuanpish canca Diosta manchai.

1 PEDRO 3:14

Cancuna allita ruhuacushca jahua maijan llaquichicpica, cancunamanca mai cushicuimi canga. Cancunata piñaccunataca ama manchaichicchu, llaquillapish ama caichicchu.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

SALMOS 119:120

Cambac ñaupapica ñuca cuerpoca chucchucunmi. Can llaquichinataca manchacunimi.

SAN MATEO 25:46

Paicunaca jaicapi mana tucuric, jatun llaquimanmi ringa. Ashtahuanpish cashcata ruhuaccunaca, huiñai causaimanmi ringa— nirca.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

HEBREOS 10:31

¡Causac Diospac maquimanta urmanaca yalli llaquimi!

SAN MATEO 10:26

Ima pacalla ruhuashcapish ricuringami, Imata pacalla ruhuashcapish yacharingami. Chaimanta gentecunata ama manchanguichicchu.

HEBREOS 11:35

Crishcamantami huarmicunapish, paicunapac aillucuna huañushcata causachishcata chasquirca. Cutin shuccunaca causarina punzhapi sumac causaita japingapacmi, cacharishun nicucpipish, huañunalla llaquita apashpa huañurcalla.

HECHOS 21:13

Chashna jarcacpipish Pabloca: —¿Ima nishpatac chashna huacashpa, ñucata llaquichinguichic? Jerusalenpi huatashun nicucpipish, chaiman rishallami. Chaipi huañuchishun nicpipish, Apunchic Jesusmantaca huañushallami— nirca.

SAN MATEO 5:22

Ashtahuanpish ñucaca: Maijanpish piñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish imatapish rimactaca, ucu pacha ninaman shitana nishcami canga ninimi.

SAN JUAN 5:29

Allita ruhuaccunaca causaita japingapacmi causaringacuna, ashtahuanpish mana allita ruhuaccunaca Dios juchanchishca cangapacmi causaringacuna.

JOB 37:24

Chaimantami runacunaca paita manchancuna. Paimanca shungupi jatun tucushcacunaca yangallami» nirca.

2 REYES 17:39

Ashtahuanpish cancunata Mandac Dios ñucallatami manchana canguichic. Ñucami cancunata piñaccunapac maquimanta cacharichisha» nirca.