SAN MATEO 10:20 - Dios Rimashcata Quillcashcami

²⁰ Mana cancunapac yuyaimantachu rimanguichic, ashtahuanpish Diospac Espiritumi, rimana yuyaita cunga.

Nuevo Testamento en Quichua Cañar 1996

²⁰ Chaica, mana cancunapac yuyaimantachu rimanguichic, ashtahuanpish cancunapac Taita Dios cushca paipac Espiritumi, cancunamanca rimana yuyaita cunga.

SAN MATEO 10:20 Referans Kwoze

HECHOS 6:10

Ashtahuanpish Diospac Espíritu yuyaita cushpa, Estebanta rimachicpimi, chai runacunaca mana ati pudircacuna.

SAN LUCAS 21:15

Ñucallatacmi cancunamanca rimana alli yuyaicunatapish cusha. Chashna allita rimacpica, cancunata piñaccunaca mana imata ni pudishpa, upalla saquiringallami.

SAN LUCAS 12:12

Cancuna rimana horasca, Diospac Espiritullatacmi rimachinga— nirca.

2 SAMUEL 23:2

Paimi cashna cantarca: Mandac Diospac Espiritumi, ñucata rimachirca. Pai rimashca shimicunaca, ñuca callupimi.

2 PEDRO 1:21

Diosmanta ñaupa huillaccunaca jaicapi quiquin yuyashca shinaca mana huillarcacunachu, ashtahuanpish Diospaclla cashcamantami Diospac Espiritullatac paicunata yuyaita cucpi rimarcacuna.

HECHOS 4:8

Chaimantami Pedroca Diospac Espirituhuan cashpa: —Israelcunata mandaccunalla, pushac yuyaccunalla,

HECHOS 2:4

Chashnami tucui chaipi caccunapi Diospac Espíritu yaicurca. Chaimantami Diospac Espíritu rimachicpi, chican chican rimaicunata rimai callarirca.

2 CORINTIOS 13:3

Chashna cacpimi Cristo ñucata huillachicushcatatac yachanguichic. Cancunapurapi cac Cristoca imata mana ruhuaipac shinaca mana canchu, ashtahuanpish poderta charishcatami ricuchicun.

1 PEDRO 1:12

Paicuna chashna yachashun nicucpipish, Diosca pai huillachishcaca mana paicunaman cashcata, ashtahuanpish cancunapac allipac cashcatami yachachirca. Chaitatacmi jahua pachamanta shamushca, imatapish ruhuaclla Diospac Espíritu yuyaita cucpi, alli huillaita huillaccunallatac cancunaman huillarca. Cai huillashcacunataca jahua pacha angelcunapish yachanata munancunami.

HECHOS 28:25

Chaimanta paicunapura mana shuc yuyailla tucushpa, rigricpimi Pabloca: —Allimi Dios ima nishcata huillac Isaiasca, Diospac Espíritu yuyachicpica huillarca. Paica:

HECHOS 13:9

Saulo shuti Pablo, paipac shungupi Diospac Espíritu junda cacpimi, chai brujota ricurashpa:

SAN LUCAS 11:13

Cancuna mana alli cashpapish, huahuacunamanca allitami cunguichic. Ashtahuanpish jahua pacha Dioscarin, jucha illac Espiritutami mañacpica cunga— nirca.

MARCOS 12:36

Davidllatacmi Diospac Espíritu yuyaita cucpica: “Mandac Diosca ñucata Mandactaca: ‘Canta piñaccunata cambac chaqui sarunapi ñuca churangacaman, canca ñuca alli maquiman tiyacuilla’ nin” nishcami.

SAN MATEO 6:32

Diosta mana ricsiccunami chashna causancuna. Jahua pacha Diosca cancunapac ima illashcataca ña yachanmi.

ÉXODO 4:12

Chaimanta cunanca ri. Ñucami canhuanca casha, imata rimana cacpipish, ñucallatacmi rimachisha— nirca.

1 TESALONICENSES 2:13

Ñucanchic Diospac shimita huillacpi, cancuna mana gentecunalla huillashcata yuyashpa, ashtahuanpish Diosmantatac cashcata yuyashpa chasquishcamantami punzhanta Diostaca pagui nicunchiclla. Chai rimashca cancunata shuctacyachicpimi, sumacta causacunguichic.