SAN MATEO 10:14 - Dios Rimashcata Quillcashcami

¹⁴ Mai pueblopi cashpa, mai huasipi cashpa cancunata mana chasquishpa, cancuna huillashcata mana uyashun nicpica, chaimanta llucshishpa, cancunapac chaquipi catirishca allpatapish chaillapitac chaspishpa ringuichic.

Nuevo Testamento en Quichua Cañar 1996

¹⁴ Mai pueblopi cashpa, mai huasipi cashpa cancunata mana chasquishpa, cancuna huillashcata mana uyashun nicpica, chaimanta llucshishpa, cancunapac chaquipi c'atirishca allpatapish chaillapitac chaspishpa ringuichic.

SAN MATEO 10:14 Referans Kwoze

HECHOS 18:6

Chashna huillacucpimi, israelcunaca piñarishpa, Pablota camishpa rimai callarirca. Chaimantami Pabloca paipac churanata chaspirishpa: —Cancunapac munaimantami llaquita apanguichic. Diosca ñucataca mana juchanchingachu. Cunanca, mana israelcunamanmi huillangapac rigrini— nirca.

NEHEMÍAS 5:13

Shinallatac ñuca churanata chaspirishpaca: —Caita mana pactachiccunataca, quiquin huasimanta, allpamantapish Dios cashna chaspic shina cachachun. Cashna chaspishca shina chushaclla saquirichun— nircani. Shina nicpi, tucui tandanacushca gentecunaca: —¡Chashna cachun!— nirca. Chashnami tucui gentecuna Mandac Diosta alli nishpa, paicuna nishca shina ruhuarcacuna.

HECHOS 13:51

Chashna ruhuacpica, mana chasquishun nishcata ricuchingapacmi, chaquipi catirishca allpatapish chaspi shitashpa, Iconio puebloman rircacuna.

SAN LUCAS 9:5

Maijan pueblopi mana chasquisha nicpica, chaquipi catirishca allpatapish chaspishpa ringuichic. Chashna ruhuacpimi, paicuna mana allita ruhuashcata yachangacuna— nirca.

MARCOS 6:11

Maijan llactapi cancunata mana chasquishpa, cancuna huillashcatapish mana uyashun nicpica, llucshishpa ringuichiclla. Chai llacta llaquita apana cashcata ricuchingapacca, cancunapac chaquipi catirishca allpatapish chaspishpa ringuichic— nirca.

1 TESALONICENSES 4:8

Chaimanta pipish cai yachachishcacunata mana chasquicca, mana runallatachu mana chasquin, ashtahuanpish paipac Espirituta cuc Diostami mana chasquin.

SAN JUAN 13:20

Maijanpish ñuca cachashcata chasquicca, ñucatami chasquin. Ñucata chasquicca, ñucata Cachactami chasquin. Chaica chashnatacmi can— nirca.

MARCOS 9:37

—Maijanpish ñuca shutipi shuc huahuata shina chasquicca, ñucatami chasquin. Shina chasquishpaca, mana ñucatachu chasquin, ashtahuanpish ñucata cachac Taitatami chasquin— nirca.

SAN MATEO 18:5

Maijanpish ñuca shutipi shuc huahuata chasquicca, ñucatami chasquin.

SAN LUCAS 9:48

churashpaca: —Maijanpish ñuca shutipi cai huahuata chasquicca, ñucatami chasquin. Maijanpish ñucata chasquicca, ñucata cachac Taitatami chasquin. Cancunapuramanta maijanpish yangalla nishcami, tucuimanta yalli alli nishca canga— nirca.

SAN MATEO 10:13

Chai huasiyuc cancunata alli chasquicpica, cancuna saludashcaca paicunahuanmi saquiringa. Mana alli chasquicpica, saludashcaca cancunamanmi cutinga.