SAN MATEO 1:11 - Dios Rimashcata Quillcashcami

¹¹ Josiasca Jeconías shinallatac shuctac churicunatami charirca. Chai punzhacunami, israelcunataca Babilonia llactaman prezu apashca carca.

Nuevo Testamento en Quichua Cañar 1996

¹¹ Josiasca Jeconiaspac, shinallatac caishuc paipac huauquicunapac taitami carca. Paicuna causacui punzhapimi, israelcunataca*f** Babilonia llactaman prezu aparcacuna.

SAN MATEO 1:11 Referans Kwoze

JEREMÍAS 27:20

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, Judá llactapi, Jerusalenpi causac mandaccunatapish Babiloniaman prezu apacushpaca, caicunataca mana aparcachu.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

JEREMÍAS 39:9

Soldadocunata mandac Nabuzaradanca Jerusalenpi saquirishcacunatapish, paicuna parte tucushca runacunatapish Babilonia llactamanmi aparca.

2 CRÓNICAS 36:20

Espadahuan huañuchinamanta miticushpa saquirishcacunataca Babiloniamanmi prezu aparca. Paicunaca Persia llactata jatun mandac tiyangacamanmi Nabucodonosortapish, paipac churicunatapish servishpa causarca.

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

2 REYES 25:11

Soldadocunata mandac Nabuzaradanca chai pueblopi maijan saquirishca gentecunatapish, Babilonia llactata jatun mandac-huan tucushca gentecunatapish, huaccha gentecunatapish prezumi aparca.

2 REYES 23:31

Joacazca ishcai chunga quimsa huatata charishpami, mandai callarirca. Paica quimsa quillallatami Jerusalenpi mandarca. Paipac mamaca Libna pueblomanta Jeremiaspac ushi Hamutalmi carca.

2 REYES 24:14

Chai quipami Jerusalenmantaca tucui mandaccunata, ashtahuan sinchi soldadocunata, artesanocunata, fierrota huactaccunatapish tucuita tandachishpa, chunga huaranga runacunata prezu aparca. Judá llactapi causac huacchacunallami chaipica saquirirca.

ISAÍAS 13:1

Mandac Dios Babilonia llacta llaqui tucunamanta Amozpac churi Isaiasman muscuipi shina ricuchishpa huillashpaca:

SAN MATEO 1:12

Shina apashca quipami, Jeconiasca Salatiel churita charirca. Salatielca Zorobabel churitami charirca.

SAN MATEO 1:17

Chashna cashpami, Abraham causacui punzhamanta David causai punzhacamanca, chunga chuscu taitacuna carca. David causacui punzhamanta israelcunata Babilonia llactaman prezu apai punzhacamanca, chunga chuscu taitacunami carca. Chaimanta Cristo huacharingacamanca, chunga chuscu taitacunami carca.