MARCOS 9:35 - Dios Rimashcata Quillcashcami

³⁵ Jesús tiyarishpa, paipac chunga ishcai yachacuccunata cayashpaca: —Cancunapuramanta maijan ashtahuan alli nishca casha nishpaca, tucuimanta yalli yangalla tucushpami, tucuita servina canguichic— nirca.

Nuevo Testamento en Quichua Cañar 1996

³⁵ Chaimantami Jesús tiyarishpa, paipac chunga ishcai yachacuccunata c'ayashpaca: —Cancunapuramanta maijanpish ashtahuan punta alli nishca canata munashpaca, tucuimanta yalli yangalla tucushpami, tucuita servina canguichic— nirca.

MARCOS 9:35 Referans Kwoze

SAN LUCAS 22:26

Cancunaca ama chashna canguichicchu. Ashtahuanpish cancunapurapi maijan alli nishca casha nishpaca, quipa huiñaicuna shina cachun. Mandac cashpapish, servic runa shina cachun.

SAN MATEO 23:11

Cancunapuramanta maijan alli casha nishpaca, caishuccunata servichun.

SANTIAGO 4:6

Ashtahuanpish Dios mai cuyac cashcamantami ñucanchictaca ayudacun. Dios quillcachishcapica: «Jatun tucushcacunataca piñanimi. Mana jatun tucushcacunataca cuyanimi» ninmi.

SAN LUCAS 18:14

Ñucaca ninimi: Fariseopac randica, cai impuestota japic runaracmi juchacunata Dios perdonashca huasiman cutirca. Chaica, maijanpish “allimi cani” nictaca, mana alli nishcami canga. Maijanpish “mana allichu cani” nictaca, alli nishcami canga» nirca.

JEREMÍAS 45:5

¿Canca alli canatachu munangui? Chaitaca ama munaichu. Chaica, jatun llaquihuanmi tucui gentecunata llaquichigrini. Shina cacpipish, canmanca maipi cacpipish, causaita cushami. Chaitaca Mandac Dios ñucami nini” ninmi» nirca.

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

MARCOS 9:36

Shina nishpami, shuc huahuata paicunapac chaupipi churashpa, chai huahuata Jesús marcashpaca: