MARCOS 9:24 - Dios Rimashcata Quillcashcami

²⁴ Shina nicpimi, chai huambrapac taita caparishpaca: —Ari, crinimi. ¡Ashtahuan cringapac ayudai!— nirca.

Nuevo Testamento en Quichua Cañar 1996

²⁴ Shina nicpimi, chai huambrapac taitaca caparishpa: —Ari, crinimi. ¡Tucui shunguhuan ashtahuan cringapac ayudai!— nirca.

MARCOS 9:24 Referans Kwoze

SAN LUCAS 17:5

Apostolcunaca Jesustaca: —Ñucanchicman ashtahuan crina yuyaita cuiyari— nirca.

HEBREOS 12:2

Jesusta ricuc shina catishunchic. Paimantami crinapish tiyan. Paillatacmi alli cric cachun pushan. Paica quipaman yallita cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai quipaca Diospac alli maquimanmi tiyaringapac rirca.

EFESIOS 2:8

Cancunaca Dios cuyashcallamantami Jesucristota crishpa quishpirishca canguichic. Chaitaca mana cancuna allita ruhuashcamantachu chasquircanguichic, ashtahuanpish chaica Dios cushcallami can.

2 TESALONICENSES 1:11

Chaimantami Dios paipac poderhuan pai munashca shinata ruhuachichun, cancuna crishcamanta alli ruhuaicunatapish, alli yuyaicunatapish cuchun, cayashcacuna cashcatatac ricuchichun nishpami cancunamanta punzhanta mañacunchiclla.

2 TESALONICENSES 1:3

Cuyashca criccuna, cancunaca sinchi criccuna tucucushcamanta, caishuc chaishuc-huan cuyanacushpa causacushcamantami pagui nina cashca shinallatac Diostaca pagui nicunchiclla.

FILIPENSES 1:29

Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarcami.

SALMOS 126:5

Huacashpa tarpuccunaca cushicushpami cosechangacuna.

2 CORINTIOS 2:4

Cancunaman quillcashpaca, yallita llaquihuan cashpami huacashpa quillcarcani. Shina cashpapish mana cancunata llaquichingapacchu, ashtahuanpish cancunata yallita cuyac cashcata cancuna yachachunmi, chashnaca quillcarcani.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

HECHOS 10:31

Chashna ricurishpaca: “Cornelio, can mañashcataca Diosca uyashcami. Can huacchacunaman imallata cushcatapish ricushcami.

JEREMÍAS 14:17

Canca gentecunataca: “Carihuan manarac chayarishca soltera shina, ñuca llactapi causaccunataca yallita llaqui japishcamanta, paicunapac nanai yalli sinchi cashcamantami ñuca ñahuimantaca tutapish, punzhapish huiquica shutucungalla.

2 TIMOTEO 1:4

Can huacashcacunata yuyarishpaca ñahui ñahui ricushpa cushichinatami munani.

SAN LUCAS 7:44

Chaimantami huarmita ricuchishpa, Simontaca: —¿Cai huarmi ruhuashcata ricunguichu? Ñuca cambac huasiman yaicumucpica, chaquita jahuangapacca yacullatapish mana curcanguichu, ashtahuanpish cai huarmica paipac huiquihuanmi ñuca chaquitaca jucuchishpa acchahuan chaquichin.

SAN LUCAS 7:38

Chashnami Jesuspac huashata shamushpa, cungurishpa, huacashca huiquihuan chaquita jucuchirca. Chaimantaca acchahuan chaquichishpami, chaquipi mucharca. Shinallatac pai apamushca mishquilla ashnacuctami Jesuspac chaquipi churarca.

SALMOS 39:12

Mandac Dioslla, ñuca mañashcata uyaiyari. Ñuca caparicushcata uyaiyari. Ñuca huacacucta ricushca jahuaca ama upalla saquirichu. Cambac ñaupapica puric shinallami cani. Ñuca ñaupa taitacuna shina shamushcallami cani.

2 REYES 20:5

«Ñuca acllashcacunata mandac Ezequiaspacman cutirishpa: “Cambac taita Davidta Mandac Diosca: ‘Can mañashcataca uyanimi. Cambac huiquitapish ricunimi. Cantaca alliyachigrinimi. Quimsa punzha quipaca Mandac Dios ñuca huasiman ringui.

2 SAMUEL 16:12

Mandac Diosca ñuca llaquihuan cacta ricushpaca llaquingapishchari. Shina llaquishpa, cunan cai runacuna maldiciashcamantaca, ashtahuanpish ñucamanca allicunatami cunga— nirca.

HEBREOS 12:17

Quipata, paipac taitaman bendicionta yallita huacashpa, mañashpapish mana chasquircachu. Chashna llaquirishpapish imata mana chasquircachu. Chaitaca cancunallatac yachanguichicmi.

HECHOS 10:19

Muscuipi shina ricushcata Pedro yuyaricucpimi, Diospac Espirituca: «Quimsa runacunami canta mashcacun.

MARCOS 9:23

Shina nicpimi Jesusca: —¿Ima nishpatac “allichi pudishpaca” ningui? Tucui shunguhuan cricca, imatapish ruhuai pudinmi— nirca.

MARCOS 9:25

Achca gentecuna tandarimucta ricushpami, Jesusca chai supaitaca: —¡Mana uyacta, upata ruhuac supai, ñucami cai huambramanta llucshi nini! ¡Ama cutin paipi yaicunguichu!— nishpa, sinchita rimarca.