MARCOS 9:18 - Dios Rimashcata Quillcashcami

¹⁸ Chai supaimi maipipish japishpa urmachinlla. Quiru canirishpa, shimiman puscuta shitashpami, mana cuyurishpa siricunlla. Cambac yachacuccunamanpish supaita llucchichun mañarcani. Paicunaca supaita mana llucchi pudircachu— nirca.

Nuevo Testamento en Quichua Cañar 1996

¹⁸ Chai supaimi maipipish japishpa, pambaman urmachinlla. Shina urmachicpica, shimiman puscuta shitashpa, quirucunapish canirishpa, mana cuyurishpami tigrashpa saquirin. Ñami cambac yachacuccunamanca, ‘supaita llucchishpa cachashpa cuichic’ nishpa mañarcani. Shina nicpipish, paicunaca mana pudircacunachu— nirca.

MARCOS 9:18 Referans Kwoze

MARCOS 11:23

Maijanpish tucui shunguhuan crishpa, mana caita chaita yuyashpa, cai urcuta “caimanta anchuri, jatun cuchaman shitari” nicpica, ringallami. Chaica chashnatacmi canga.

MARCOS 9:26

Chashna rimacpimi, supaica caparishpa, huambrata chucchuchishpa llucshirca. Huambraca huañushca shinami pambapi saquirirca. Chaita gentecuna ricushpaca: —Ña huañun— ninacurca.

MARCOS 9:20

Ña apamucpica, supai Jesusta ricushpaca, huambrata chucchuchishpami urmachirca. Huambraca shimiman puscuta shitashpami singurca.

SAN MATEO 17:16

Cambac yachacuccunapacmanca, ñami apamushpa ricuchircani, ashtahuanpish mana alliyachi pudircachu— nirca.

HECHOS 7:54

Esteban chashna nicpimi, chai mandaccunaca quirucuna canirishpa, yallita piñarirca.

SALMOS 112:10

Diosta mana manchac runa chaita ricushpaca yallitami piñaringa. Paipac shungupi nanarishpami quirucuna caniringa. Diosta mana manchaccunapac yuyaica chingaringami.

SAN JUDAS 1:13

Paicunapac pinganayaita mana allita ruhuashcacunaca, mama cuchata huaira caiman chaiman shitacpi, puscuta shitashca shinami can. Lucerocuna ñanta chingachishca shinami cancuna. Paicunamanca yallita amsa pachami huiñaicaman huacaichishca tiyacun.

SAN MATEO 15:22

Jesús chaipi cacpimi, Canaán llacta huarmi caparishpaca: —Mandac Davidpac aillupuramanta Apunchic Jesús, ¡ñucata llaquiyari! Ñuca huahuatami supai japishpa, llaquichicun— nirca.

SAN MATEO 8:12

Ashtahuanpish Dios mandacucman yaicungapac caccunaca, canzhapimi, purapi huacaihuan quiru caniringa— nirca.

JOB 16:9

Pai yallita piñarishpami ñucataca pitinacuc shina ruhuashca. Quirucunapish canirishpami ñucataca piñarca. Ñucata piñac runaca nanachic shinami ricucurca.

MARCOS 9:17

Chashna nicpi, chai gentecunapuramanta shuc runaca Jesustaca: —Yachachic, ñuca churitami cambacman pushamurcani. Paitaca supai japishpami, upayachishpa charicun.

MARCOS 9:19

Shina nicpimi Jesusca: —¡Aij, mana cric gentecunalla! Cancunahuanca, ¿maicamantac yachachishpa causacushalla? ¿Maicamantac llaquita apacushalla? Huambrata caiman apamuichic— nirca.