MARCOS 9:12 - Dios Rimashcata Quillcashcami

¹² Shina tapucpimi, Jesusca paicunataca: —Ari, Eliasracmi tucuita allichingapac shamunga. ¿Manachu Dios quillcachishcapica: “Runa Tucungapac shamushcataca mana ricunayachishpa llaquichingami” nicun?

Nuevo Testamento en Quichua Cañar 1996

¹² Shina tapucpimi, Jesusca paicunataca: —Ari, tucuita allichingapacca Eliasracmi shamuna can. Shinallatacmi Dios quillcachishcapica: ‘Runa Tucungapac shamushca ñucataca mana ricunachishpa llaquichingacunami’ nicun.

MARCOS 9:12 Referans Kwoze

ISAÍAS 50:6

Ñucata macaccunamanmi ñuca huashata ricuchircani. Ñuca barbasmanta chutaccunamanmi ñuca ñahuita ricuchircani. Ñucata tucashpa burlacmantapish ñahuita mana pacarcanichu.

ISAÍAS 52:14

Paita ricushpaca taucacunami ñahui shuclaya tucushpa, mana runapac ñahuilaya cacpi mancharirca.

SAN LUCAS 23:11

Herodespish, paipac soldadocunapish Jesusta burlashpa, asishpami, jatun mandac churana sumac churanata churachirca. Chashnami Pilatopacman cutichishpa cacharca.

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

SAN LUCAS 1:76

Ñuca huahualla, canca jahua Dios ima nishcata huillacmi cangui. Canmi Quishpichic purina ñanta allichishpa ñaupangui.

MALAQUÍAS 4:6

Paimi taita mamacuna huahuacunahuan piñanacushcata, huahuacuna taita mamahuan piñanacushcataca allichinga. Mana shina cacpica, pacta ñuca shamushpa, tucui cai llactapi causaccunata yallita llaquichiman» ninmi.

SAN LUCAS 23:39

Chacatashca millai runaca: —¡Can Cristo cashpaca, canllatac quishpirishpa, ñucanchictapish quishpichiyari!— nishpami rimarirca.

SAN MATEO 26:24

Runa Tucungapac shamushca ñucataca, Dios quillcachishcapi nishca shinami huañuchinga. Ashtahuanpish ñucata japichic runaca, ¡aij, imachari tucunga! Chai runaca mana huacharishca cashpachari alli canman carca— nirca.

SAN MATEO 16:21

Chashna nishca quipa Jesús paipac yachacuccunata yachachishpaca: —Jerusalén pueblomanmi rina cani. Chaipimi curacunata mandac curacunapish, pushac yuyaccunapish, mandashcacunata yachachiccunapish llaquichicpi, llaquita apashpa huañunami cani. Shina cashpapish quimsa punzhapica causarishallami— nirca.

ZACARÍAS 11:13

Chaimantami Mandac Diosca: «Chaitaca ñuca huasipi tiyac cullquita huacaichinapi churai. ¡Yalli valishca cullquipimi ñucataca catucurca!» nirca. Shina nicpimi, chai quimsa chunga cullquita japishpa, Mandac Diospac huasipi tiyac cullquita huacaichinapi churarcani.

SALMOS 74:22

Dioslla, mana entendic runaca punzhanta camicunllami. Chaitaca jatarishpa misaiyari.

MARCOS 9:13

Ashtahuanpish ñucaca: Eliasca ñami shamurca. Paitaca Dios quillcachishcapi nishca shinami piñashpa, munashcata ruhuarcacuna ninimi— nirca.

MARCOS 9:31

Paipac yachacuccunata yachachishpaca: “Runa Tucungapac shamushca ñucataca runacunaman japichingami. Paicunami ñucataca huañuchinga. Chashna huañuchicpipish, quimsa punzhapica causarishallami” nircami.

MARCOS 10:33

—Cunanca, Jerusalenmanmi ricunchic. Chaipimi Runa Tucungapac shamushca ñucataca, curacunata mandac curacunamanpish, mandashcacunata yachachiccunamanpish japichinga. Paicunami huañuchingapac juchanchishpa, mana israelcunaman cunga.

HECHOS 1:6

Apostolcuna tandanacushpa, Jesusta tapushpaca: —Apunchic Jesús, ¿cunanllatacchu Israel llactata mandanata cutin allichigringui?— nirca.

HECHOS 4:11

Huasita ruhuaccuna mana nishca rumimi huasita ruhuangapac callaripi churana, tucuimanta yalli alli rumica tucushca.