MARCOS 8:6 - Dios Rimashcata Quillcashcami

⁶ Shina nicpimi, Jesusca chai tucui gentecunata pambapi tiyarichun mandarca. Chashna tiyachishpami, Jesusca chai canchis tandata japishpa, Diosta pagui nirca. Chai tandataca chaupishpa chaupishpami, tucuiman carachun yachacuccunaman curca. Paicunaca tucui gentecunamanmi cararca.

Nuevo Testamento en Quichua Cañar 1996

⁶ Shina nicpi Jesusca chai tucui gentecunataca: —Chai pambapi tiyarichic— nishpami mandarca. Ña tiyaricpica, Jesusca chai canchis tandata japishpa, Taita Diosta pagui nishpa mañarca. Chai tandataca chaupishpa chaupishpami, tucuiman carachun paipac yachacuccunaman curca. Paicunaca tucui gentecunamanmi cararcacuna.

MARCOS 8:6 Referans Kwoze

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Diostaca pagui nina canguichic.

ROMANOS 14:6

Maijanpish shuc punzhata chicanyachishpaca, Apunchic Jesusta alli ningapacmi chicanyachin. Shinallatac tucuita micucpish, Apunchic Jesusta alli ningapacmi Diosta pagui nishpa micun. Mana tucuita micucpish, Apunchic Jesusta alli ningapacmi Diosta pagui nishpa, mana chashna micun.

SAN JUAN 6:23

Chaimanmi Tiberias pueblomanta canoacuna shamushpa chai yacu patapi shayarirca. Chaipimi Jesusca Diosta pagui nishpa, tandata carashca carca.

SAN JUAN 2:5

Shina nicpimi, mamaca serviccunataca: —Tucui pai nishcata ruhuanguichic— nirca.

SAN LUCAS 24:30

Paicunahuan micungapac tiyacushpami, tandata japishpa, Diosta pagui nishpa, chaupishpa paicunaman curca.

SAN LUCAS 12:37

Chashna chaparacucpi amo chayamucpimi, serviccunamanca mai cushicui canga. Chai amoca pai quiquinllatacmi serviccuna churarinata churarishpa, paicunata mizaman tiyachishpa micunata caranga, chashnami canga.

SAN MATEO 26:26

Chashna micucushpami, Jesusca tandata japishpa, Diosta pagui nishpa, chaupishpa yachacuccunaman cushpaca: —Japichic, micuichic. Caica ñuca aichami— nirca.

1 SAMUEL 9:13

Puebloman ña yaicushpaca manarac micungapac lomaman huichai ricpimi tupanguichic. Gentecunaca pai chayangacaman mana micungachu. Paimi Diosman cushca animaltaca bendicianga. Chai quipami tucui riccuna micunga. Cunan utca rishpaca manarac huichaiman ricpimi tupanguichic— nirca.

MARCOS 8:5

Shina nicpimi Jesusca: —¿Mashna tandatatac charinguichic?— nirca. Shina tapucpimi, paipac yachacuccunaca: —Canchis tandallatami charinchic— nirca.

MARCOS 8:7

Shinallatac asha challuacunatapish charircami. Chai challuacunamantapish Diosta pagui nishpami, carachun mandarca.

MARCOS 8:20

—Shinallatac canchis tandata chuscu huaranga gentecunaman ñuca caracpica, puchuchishcataca, ¿mashna tazatatac tandarcanguichic?— nirca. Shina nicpica paicunaca: —Canchis tazata— nirca.