MARCOS 8:2 - Dios Rimashcata Quillcashcami

² —Cai gentecunaca quimsa punzhatami ñucahuan caipi cancuna. Paicunaca ima micunallata mana charinchu, chaimanta llaquinayanmi.

Nuevo Testamento en Quichua Cañar 1996

² —Cai tucui gentecunami ñucahuanca ña quimsa punzhata caipi cancuna. Paicunaca ima micunallatapish mana charinchu, chaimanta llaquinayanmi.

MARCOS 8:2 Referans Kwoze

SAN MATEO 9:36

Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca.

MIQUEAS 7:19

Canca cutinllatacmi ñucanchictaca llaquingui. Ñucanchic ima mana allita ruhuashcacunataca sarushpami, ñucanchic juchacunataca ucu mama cuchapi shitangui.

SALMOS 145:15

Tucuimi canllata chapacuncuna. Paicuna micunataca micuna horasmi carangui.

SALMOS 103:13

Mandac Diosca shuc taita paipac huahuacunata llaquic shinami, paita manchaccunataca llaquin.

HEBREOS 5:2

Mandac curaca paipish juchapi urmanalla cashcamantami, caishuc mana yachac chingarishca shina gentecunataca llaquinga.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

SAN LUCAS 15:20

Chaimantami jatarishpa, paipac taitapacman cutirca. Ña cutimucucpica, paipac taitaca caruta shamucuctami ricurca. Chashna ricushpami, yallita llaquishpa, tupangapac llucshishpa, ucllarishpa mucharca.

SAN LUCAS 7:13

Apunchic Jesusca chai viuda huarmi huacacucta ricushpa llaquishpaca: —Ama huacaichu— nirca.

MARCOS 9:22

Tauca cutinmi supaica huañuchisha ninapipish, yacupipish urmachicunlla. Can allichi pudishpaca, ñucanchicta llaquishpa ayudaiyari— nirca.

MARCOS 6:34

Canoamanta Jesús llucshishpaca, achca gentecunatami ricurca. Paicuna michic illac ovejacuna shina cashcamantami Jesusca llaquirishpa, paicunaman tucuita yachachi callarirca.

MARCOS 5:19

Jesusca mana pushashpa risha nircachu, ashtahuanpish: —Cambac huasiman rishpa, Dios llaquishpa, canta alliyachishcata cambac familiacunaman huillagri— nirca.

MARCOS 1:41

Jesusca chai runata llaquishpami, maquihuan tuparishpaca: —Ari, alliyachisha ninimi, alliyai— nirca.

SAN MATEO 20:34

Chaimantami Jesusca paicunata llaquishpa, paicunapac ñahuipi tuparirca. Chashna tuparicpica, ñapish ñahuicuna ricucpi, Jesusta catishpa rircacunallami.

SAN MATEO 14:14

Jesús canoamanta uricushpa, achca gentecunata ricushpaca, llaquirishpami maijan ungushcacunata alliyachirca.

SALMOS 145:8

Mandac Diosca cuyac llaquic Diosmi. Yallita llaquicpish, shinallatac mana utca piñaric Diosmi can.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

MARCOS 6:32

Chaimantami paicunalla canoapi cuchata pasashpa, shitashca pambaman rircacuna.

MARCOS 8:3

Maijancunaca caru llactacunamanta shamushca. Paicunaman mana carashpa huasiman cachacpica, yarcaihuan ñanpi tigrangami— nirca.

1 REYES 19:6

Shina nicpi, Elías jatarishpa ricucpica, paipac uma ladopimi cusashca shuc tortillata, shinallatac shuc mangapi yacu tiyacucta ricurca. Chaita micushpa, ubiashpaca cutinmi sueñungapac siririrca.