MARCOS 7:4 - Dios Rimashcata Quillcashcami

⁴ Plazamanta cutimushpapish, maquita mana jahuashpaca, mana micucchu carca. Shinallatac shuctac yachachishcacunatapish pactachiccunami carca. Chaimantami vasocunatapish, jarrocunatapish, platocunatapish jahuac, shinallatac camacunatapish tacshac carca).

Nuevo Testamento en Quichua Cañar 1996

⁴ Chashnallatac micunata randishpa cutimushpapish, maquita mana jahuashpaca, mana micuccunachu carca. Shinallatac shuctac yachachishcacunatapish pactachiccunami carca. Shina cashpami vasocunatapish, jarrocunatapish, platocunatapish jahuaccuna, shinallatac camacunatapish tacshaccuna carca).

MARCOS 7:4 Referans Kwoze

HEBREOS 9:10

Chaica micunapish, ubianapish, tucuilaya maillarinapish cuerpopac alli cashcatami ricuchin. Chai mandashcaca Dios shucta ruhuangacamanmi alli carca.

SAN MATEO 23:25

¡Mishqui shimi, jayac shungu fariseocunalla, mandashcacunata yachachiccunalla, imachari tucunguichic! Cancunaca vasotapish, platotapish jahuallatami jahuanguichic. Ucupica shuhuana yuyai, chayucyana yuyai jundami canguichic.

SANTIAGO 4:8

Diosman cuchuyaichic, paipish cancunapacman cuchuyangallami. Juchayuccuna, maquita jahuac shina millaita ruhuanata saquichic. Ishcai yuyaihuan caccunaca, shunguta allichichic.

SAN JUAN 2:6

Chaipica, israelcuna yacuta jundachishpa chuyayana sucta rumi tinajacunami tiyarca. Chai tinajacunaca ishcai puñu yalli yacutami apac carca.

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

ISAÍAS 1:16

Jahuarichic, picharichic. Cancuna mana allita ruhuashcataca ñuca ñaupamanta anchuchichic. Mana allita ruhuanata saquishpa,

1 JUAN 1:7

Ashtahuanpish achic luzpi causacushpaca, caishuc chaishuc-huan shucllami canchic, shinallatac paipac Churi Jesucristopac yahuarca tucui juchacunatami pichan.

SAN MATEO 27:24

Tucui gentecuna mana uyashun nishpa, ashtahuan caparinacui callaricpimi, Pilatoca yacuta japishpa, maquita jahuashpaca: —Cai runata huañuchishpaca mana ñucachu juchayuc casha, ashtahuanpish cancunami juchayuc canguichic— nirca.

SALMOS 26:6

Mandac Dioslla, ñuca ima millaita mana ruhuashcamantami, maquita jahuarishpa cambac altar muyundiman risha.

SAN JUAN 3:25

Chaipimi Juanpac maijan caticcunahuan, maijancunaca, Israel shuc runahuan chuyayanamanta rimanacurca.

JEREMÍAS 35:5

Chaiman pushashpami Rebecapac huahua huahuacunapac ñaupapi vino vasocunata, vino jarrocunata churashpaca: «Cai vinota ubiaichic» nircani.

SAN MATEO 23:26

¡Ñahui mana ricuc fariseocunalla! Vasotapish, platotapish ucutarac jahuaichic. Shina ruhuacpimi, jahuapish chuyanlla canga.

MARCOS 7:8

Cancunaca Dios mandashcacunata saquishpami, runacuna yachachishcallata caticunguichic— nirca.