MARCOS 7:21 - Dios Rimashcata Quillcashcami

²¹ Shungu ucumanta millai yuyaicuna llucshicpimi, huainayancuna, millaita ruhuancuna, huañuchincuna,

Nuevo Testamento en Quichua Cañar 1996

²¹ Shungu ucumanta millai yuyaicuna llucshicpimi, cazarashca jahua shuc-huan huacllirinacuncuna, manarac cazarashca cashpapish huacllirinacuncuna, huañuchincuna,

MARCOS 7:21 Referans Kwoze

JEREMÍAS 17:9

Runapac shunguca tucuita atishpa llullashpa umacmi. ¿Chaitaca pitac entendinga?

SAN MATEO 15:19

Shungumantami millai yuyaicuna llucshin. Chaimantami huañuchincuna, huainayancuna, ima millaita ruhuancuna, shuhuancuna, llullancuna, millaita rimancuna.

HECHOS 8:22

Can mana allita yuyanata saquishpa, Diosta mañai. Chashna mañacpica, cambac shungu mana allita yuyashcataca perdonangapishchari.

EZEQUIEL 38:10

Mandac Dios ñucaca: Chai punzhami cambac shungupica mana allita ruhuanata yuyaringui.

SAN MATEO 9:4

Jesús paicunapac yuyaita yachashpami, paicunataca: —¿Ima nishpatac cancunaca mana allita yuyacunguichic?

JEREMÍAS 4:14

Jerusalenpi causaccunalla, cancuna quishpiringapacca cancunapac shungu mapayashcata maillarichicyari. ¿Ima horascamantac millaillata ruhuana yuyaihuan causagringuichic?

SANTIAGO 2:4

Chai shina ruhuashpaca cancunapurallatac chicanyachishpami mana alli yuyaicunahuan ruhuacunguichic.

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

SAN LUCAS 16:15

Chaimantami Jesusca: «Cancunaca gentecunapac ñaupapica, cashcata ruhuaclayallami canguichic. Ashtahuanpish Diosca cancuna imata yuyacushcataca yachanmi. Cai pachapi gentecunalla alli nishcacunaca, Diospac ñaupapica millanami can.

ISAÍAS 59:7

Paicunapac chaquicunaca mana allita ruhuangapacllami callpan. Mana faltayuc runata huañuchishpa yahuarta jichangapacllami utca rin. Paicunaca millaita ruhuanallatami yuyacun. Maita rishpapish llaquichishpa tucuchishpallami purin.

SALMOS 53:3

Ashtahuanpish tucuimi chingarishpa ismushca shina tucushcacuna. Allita ruhuacca pi mana tiyanchu. Shucllapish mana tiyanchu.

SALMOS 14:3

Ashtahuanpish tucuimi paimanta anchurishpa, ismushca shina tucushca. Allita ruhuacca pi mana tiyanchu. Shucllapish mana tiyanchu.

ROMANOS 7:8

Juchaca mandashcacuna tiyashcamantami ñuca yuyaipi yaicushpa, mana allicunata ruhuachi callarirca. Mandashcacuna mana tiyacpica, juchaca huañushca shinami canman.

HECHOS 5:4

¿Manachu allpaca cambac carca? ¿Manachu catushca cullquipish cambac tucurca? ¿Ima nishpatac cambac shungupi chashna millaita ruhuanata yuyarircangui? Mana runacunallamanchu llullangui, Diosmanmi llullangui— nirca.

PROVERBIOS 15:25

Mandac Diosca jatun tucushcacunapac huasitaca urmachingami. Ashtahuanpish viuda huarmi charishca allpataca paillatacmi sinchita cuidanga.

SALMOS 14:1

Muspa runaca: «Diosca mana tiyanchu» ninmi. Tucuimi ismushca shina tucushpa, millana juchacunata ruhuancuna. Allita ruhuacca shucllapish mana tiyanchu.

JOB 25:4

¿Ima shinatac runaca Diospac ñaupapica, cashcata ruhuac tucunga? ¿Ima shinatac huarmimanta huacharishca runaca mapa illac tucunga?

JOB 14:4

¿Pitac mana allita ruhuashcataca pichai pudingayari? Chaitaca pi mana ruhuai pudinchu.

GÉNESIS 8:21

Shina rupachicpi, Mandac Diosman mishquilla ashnashpa chayacpimi paica: «Runapac juchamantaca cai pachataca jaicapi mana llaquichishachu. Runaca huambramanta pacha millaita yuyacunllami. Shinallatac mana cunan tucuchishca shina, tucui causaita charic animalcunataca tucuchishachu.

GÉNESIS 6:5

Cai pacha gentecuna yalli millaillata ruhuashpa causacucta Mandac Diosca ricurcami. Paicunapac shungupica punzhanta millaita ruhuanallatami yuyacurca.

ROMANOS 7:5

Ñucanchic shungupi juchata ruhuana munai yaicucpica, mandashcacunami millaita ruhuachishpa, huañuiman aparca.

SALMOS 53:1

Mana entendic runaca: «Diosca mana tiyanchu» nishpami yuyan. Tucuimi millana juchacunata ruhuashpa ismushca shina tucushcacuna. Shucllapish allita ruhuacca mana tiyanchu.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna cashpami shuccuna ama charichun munashpa, caishuc chaishuc-huan piñanacushpa causacurcanchic.

SALMOS 119:36

Ñuca shungutaca ima shina causanata can yachachishcata cazuchun ayudaiyari. Charinallata munachunca ama saquinguichu.

ISAÍAS 59:13

Ñucanchicta Mandac Diosta mana cazushpa, paita piñachishpami, paimanta anchurishcanchic. Pitapish llaquichinallata, Diosta mana cazunallatami rimanchic. Pandachishpa llaquipi churanallatami yuyashpa purinchic.

JEREMÍAS 16:12

Cancunacarin ñaupa taitacunatapish yalli ashtahuan mana allicunatami ruhuashcanguichic. Tucui cancunami ñuca nishcata mana uyashpa, cancunapac shungu munashcata ruhuashpa causacunguichic.

MARCOS 7:20

Jesús cutin rimashpaca: «Shungu ucumanta llucshicmi juchayucta ruhuan.

MARCOS 7:22

shuhuancuna, charicyanata munancuna, pitapish llaquichincuna, umancuna, mana pingancuna, envidiancuna, llullancuna, jatun tucuncuna, yuyai illac tucuncuna.

COLOSENSES 3:5

Cai pachapi imapish jucha munashcata ruhuangapacca, huañushca shinami cana canguichic. Chaimanta ama huainayaichicchu, imapish mapacunata, imapish mana canacunata ama ruhuaichicchu, ama millaita ruhuana yuyailla caichicchu, shinallatac ama imatapish charina yuyailla caichicchu. Chai yuyailla cashpaca, ruhuashcalla diosta alli nic shinami canguichic.