MARCOS 7:20 - Dios Rimashcata Quillcashcami

²⁰ Jesús cutin rimashpaca: «Shungu ucumanta llucshicmi juchayucta ruhuan.

Nuevo Testamento en Quichua Cañar 1996

²⁰ Paillatacmi caitapish nirca: —Shungu ucumanta llucshic, mana alli yuyaicunami juchayuctaca ruhuan.

MARCOS 7:20 Referans Kwoze

SANTIAGO 3:6

Calluca shuc nina shinami millaita callarichichishpa runata mapayachin. Calluca ucu pacha nina rupacuc shinami, tucui causaipi mana allita ruhuachishpa rupachic shina llaquichicun.

SANTIAGO 4:1

Cancunapuraca, ¿ima nishpatac macanacunguichic, piñanacunguichic? Cancunapac shungupi millai munaicuna tiyashpa, caita chaita yuyachicucpimi, chashnaca ruhuanguichic.

MARCOS 7:15

Imapish shimita yaicucca mana juchayucta ruhuanchu, ashtahuanpish shungumanta llucshic mana alli yuyaimi juchayuctaca ruhuan.

MIQUEAS 2:1

¡Aij, millaillata yuyashpa causaccunalla! ¡Sueñushpa ima millaita ruhuanata yuyariccunalla! Ña pacarimucpica, paicuna yuyarishca shinallatacmi ruhuan. Paicunaca sinchi mandac cashpami chashna ruhuan.

SALMOS 41:6

Ñucata ricungapac shamushpaca llullanacuncunami. Paicunapac shungupica paicunallatacmi yalli millaita jundachicun. Canzhaman llucshishpaca ñuca ima shina cashcatami parlancuna.

HEBREOS 7:6

Ashtahuanpish Melquisedecca mana Levipac huahua huahuapura cashpapish, Dios cushami nishcata chasquic Abrahammanta chungamanta shucta chasquircami. Chashnami, Melquisedecca Abrahamman Dios bendiciachun nirca.

SAN MATEO 4:4

Chashna nicpimi Jesusca: —Dios quillcachishcapica: “Gentecunaca mana tandallahuanchu causanga, ashtahuanpish Dios rimashcahuanmi causanga” ninmi— nirca.

SAN MATEO 15:18

Ashtahuanpish millai rimashcacunaca shungumanta llucshishpami, runataca juchayucta ruhuan.

MARCOS 7:21

Shungu ucumanta millai yuyaicuna llucshicpimi, huainayancuna, millaita ruhuancuna, huañuchincuna,

MARCOS 7:23

Tucui cai yuyaicunami shungumanta llucshishpa, juchayuctaca ruhuan» nirca.