MARCOS 6:52 - Dios Rimashcata Quillcashcami

⁵² Paicunaca rumi shungu cashcamantami tandata mirachishcatapish manarac entendircachu.

Nuevo Testamento en Quichua Cañar 1996

⁵² Paicunaca tandata mirachishpa carashcatapish manarac yuyaipi charishpami, chashna mancharircacuna. Paicunapac yuyaica amsapirac shinami carca.

MARCOS 6:52 Referans Kwoze

SAN LUCAS 24:25

Chashna nicpimi Jesusca: —¡Cancunaca yuyai illac upacuna cashpami, Dios ima nishcata huillaccuna ñucamanta huillashcataca mana utca cringuichic!

ISAÍAS 63:17

Mandac Dioslla, ¿ima nishpatac ñucanchictaca cambac ñanta ama catichun pandachircangui? ¿Ima nishpatac canta ama manchachun ñucanchic shunguta sinchiyachircangui? ¡Canta serviccunata, can cushca allpacunapi causac aillucunata cuyashcamantaca alli tucuiyari!

MARCOS 16:14

Chai quipaca, Jesusca paipac chunga shuc yachacuccuna micucucpimi ricurirca. Causarishcata mana crishcamanta, rumi shungu cashcamanta, causarishcata ricushcata mana crishcamantami rimarca.

ROMANOS 11:7

Shinashpaca, ¿imatatac nishun? Israelcunaca paicuna mashcacushcataca mana japircachu. Ashtahuanpish Dios acllashcacunallami japirca. Shuccunaca rumi shungumi tucurca.

MARCOS 7:18

Chaimantami Jesusca paicunataca: —Cancunapish ñuca huillacushca imata nisha nishcataca, ¿manaracchu entendinguichic? Ima micunapish shimita yaicucca mana juchayucta ruhuac cashcataca, ¿manachu entendinguichic?

MARCOS 3:5

Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

SAN JUAN 12:40

«Paicunapac ñahuita huichcarcami. Paicunapac shungutapish sinchiyachircami. Ñahuicunahuan ama ricuchun, paicunapac shungu ama yuyaita japichunmi cashna ruhuarca. Chaimantami ñucapacman mana cutimunga. Paicunataca mana alliyachishachu» nishcami.