MARCOS 5:35 - Dios Rimashcata Quillcashcami

³⁵ Jesús shina nicucllapitacmi, mandac Jairopac huasimanta maijan runacuna shamushpa Jairotaca: —Yachachictaca, ¿imapactac yanga piñachicungui? Cambac ushica ñami huañun— nishpa huillarca.

Nuevo Testamento en Quichua Cañar 1996

³⁵ Jesús shina nicucllapitacmi, mandac Jairopac huasimanta shuc runacuna shamushpa Jairotaca: —Yachachictaca, ¿imapactac yanga p'iñachicungui? Cambac ushica ñami huañun— nishpa huillarcacuna.

MARCOS 5:35 Referans Kwoze

SAN LUCAS 8:49

Jesús chashna nicucllapitacmi, mandac Jairopac huasimanta shuc runa shamushpaca: —Cambac ushica ñami huañun. ¿Imapactac Yachachictaca piñachicungui? Saquilla— nirca.

SAN JUAN 11:39

Chaipimi Jesusca: —Rumita cutichichic— nirca. Shina nicpimi, chai huañushcapac pani Martaca: —Apunchic Jesús, pai huañushcaca ñami chuscu punzha, ashnacungami— nirca.

SAN JUAN 11:28

Chaita nishca quipa, Marta huasiman tuctishpa, paipac ñaña Mariata pacallaman cayashpaca: —Yachachicmi caipi. Cantami cayacun— nirca.

SAN JUAN 5:25

Huañushcacuna Diospac Churi rimashcata uyana pachaca chayamucunmi. Chaita, cunanllatacmi. Chaita uyaccunaca causaita charingami. Chaica chashnatacmi can.

MARCOS 10:17

Chaimanta llucshishpa, Jesús ñanta ricucpimi, shuc moso callpamushpa, paipac ñaupapi cungurishpaca: —Alli yachachiclla, ñuca huiñai causaita charingapacca, ¿imatatac ruhuana cani?— nirca.

MARCOS 5:22

Chaimanmi, israelcuna tandanacuna huasita mandac Jairo shamurca. Chai mandac Jesusta ricushpa,

SAN JUAN 11:32

María Jesuspacman chayashpa, paipac ñaupapi cungurishpaca: —Apunchic Jesús, can caipi cashca cacpica, ñuca turica mana huañunmanchu carca— nirca.

SAN JUAN 11:25

Shina nicpimi Jesusca: —Ñucami causaita cucpish, huañushcacunata causachicpish cani. Ñucata cricca huañushpapish causaringami.

SAN JUAN 11:21

Chashna tupangapac llucshishpami Martaca: —Apunchic Jesús, can caipi cashca cacpica, ñuca turica mana huañunmanchu carca.

SAN MATEO 26:18

Chashna nicpimi Jesusca: —Puebloman rishpa, shuc runahuan tupashpaca: “Ñucanchic yachachicca: ‘Ñucata japichina pachami chayamucun. Cambac huasipimi ñuca yachacuccunahuan Pascuata yuyarishpa micugrini’ ninmi” nigrichic— nirca.

SAN MATEO 9:18

Jesús chashna nicucpimi, israelcunata mandac chayashpa, cungurishpaca: —Ñuca ushimi ñacalla huañun. Shina huañushca cacpipish, can paipac umapi maquita churacpica, causaringallami— nirca.

SAN MATEO 26:10

Jesús chaita uyashpaca: —¿Ima nishpatac cai huarmitaca rimaricunguichic? Saquichic. Paica ñucamanca allitami ruhuashca.