MARCOS 4:41 - Dios Rimashcata Quillcashcami

⁴¹ Shina nicpimi, mancharishpa, paicunapura parlanacushpaca: —¿Pitac caica? Paitaca huairapish, yacupish cazunmi— ninacurca.

Nuevo Testamento en Quichua Cañar 1996

⁴¹ Shina nicpimi munai mancharinacushpa, paicunapura parlanacushpaca: —¿Ima cacpitac cai runataca huairapish, yacupish cazunyari?— ninacurcacuna.

MARCOS 4:41 Referans Kwoze

SAN LUCAS 8:25

Jesusca yachacuccunataca: —¿Ima nishpatac ñucata mana cringuichic?— nirca. Chashna nicpimi, yallita mancharishpa, caishuc chaishuc tapunacushpaca: —¿Pitac cai runa? Huairapish, yacupish pai nishcataca cazunmi— nishpa nircacuna.

JOB 38:11

Chaimantaca: “Caicamanllami chayana cangui. Caimantaca jatun huaj nicuc yacuca mana pasangachu” nircanimi.

SAN MATEO 8:27

Chaimantami paicunapura mancharinacushpa: —¿Pitac cai runaca? Chaica huairapish, yacupish cazunmi— ninacurca.

SALMOS 89:7

Cambaclla tandanacushcapica manchana Diosmi cangui. Tucui cambac muyundipi tiyaccunapac cumurina Diosmi cangui.

1 SAMUEL 12:24

Mandac Diosllatac manchashpa, tucui shunguhuan servishpa causaichic. Cancunamanca Mandac Diosca achca allicunata ruhuashcataca allitami yuyarina canguichic.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

MARCOS 5:33

Chashna ricucucpimi, chai huarmica manchaihuan chucchushpa, Jesuspac ñaupapi cungurishpa, ima tucushcata tucuita huillarca.

HEBREOS 12:28

Mana cuyuchipac Dios mandacucta chasquishpaca, Diosta manchashpa, pai munashca shina tucui shunguhuan pagui nichic. Paica chaitami munan.

SAN LUCAS 4:36

Chashna ruhuacpi, chaipi caccunaca: —Cai runaca, ¿ima shinatac chashna rimarin? ¿Ima poderhuantac supaicunataca rimashpalla llucchishpa cachan?— nishpa tapunacurca.

SAN MATEO 14:32

Paicuna canoaman huichicucpica, huairaca pararircami.

MALAQUÍAS 2:5

Ñucaca causaimanta, cushi causaimantami paicunahuan ari ninacurcani. Chaicunataca ñucata manchashpa causachunmi curcani. Chaita cucpimi, ñuca shutita alli nishpa, ñuca ñaupapi cumurirca.

MARCOS 7:37

Chashna parlacpica, tucui gentecunami mancharishpami: “Paica allita ruhuan. Ringri mana uyaccunatapish uyachin, mana rimaccunatapish rimachinmi” nircacuna.

MARCOS 4:40

Jesusca, paipac yachacuccunataca: —¿Ima nishpatac yalli mancharinguichic? ¿Manaracchu ñucataca alli cringuichic?— nirca.

MARCOS 5:1

Paicunaca cuchata pasashpaca, Gerasa llactamanmi chayarca.