MARCOS 4:31 - Dios Rimashcata Quillcashcami

³¹ Dios mandacucca, tarpushca mostaza muyuta shinami. Chai muyuca tucui muyucunamanta ashtahuan ñutumi,

Nuevo Testamento en Quichua Cañar 1996

³¹ Taita Dios mandacucca, mostaza muyuta tarpushca shinami. Chai muyuca tucui cai pachapi tiyac muyucunatapish yalli ñutumi,

MARCOS 4:31 Referans Kwoze

HECHOS 19:20

Apunchic Jesusmanta maipipish huillacpimi, ashtahuan crishpa mirarirca.

MALAQUÍAS 1:11

Cai pachapica ñuca shutica inti llucshina ladomanta, inti tigrana ladocamanmi jatun. Chashna ñuca shuti cai pachapi jatunyachishca cacpimi, maipi cashpapish, inciensota rupachishpa, chuya ofrendacunata ñucaman cun. Chaitaca tucuita Mandac Dios ñucami nini.

HECHOS 21:20

Chashna parlacta uyashpaca, Diosta “allimari cangui” nishpami: —Huauqui, riquiyari, huaranga huaranga israelcunami Jesustaca crishca. Tucui chaicunami: “Moisés mandashcacunataca cazunami canchic” nicuncuna.

HECHOS 5:14

Caricunapish, huarmicunapish Apunchic Jesusta crishpa, ashtahuanmi achca criccuna tucurca.

HECHOS 4:4

Chashna cacpipish, paicuna huillashcata uyashpa criccunaca, pichca huaranga shina runacunami carca.

HECHOS 2:41

Pedro huillashcata shungupi chasquiccunaca bautizarircami. Chai punzhapica, quimsa huaranga shinami cric tucushpa, caishuc criccunahuan tandanacurca.

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

ISAÍAS 60:22

Paicunamanta yalli uchillami huaranga huaranga tucunga. Ashallamantami yallita sinchi llactacuna tucunga. Mandac Dios ñucallatacmi chashna tucuna punzhataca utca pactachisha» ninmi.

ISAÍAS 53:12

Chaimantami Diosca paitaca alli nishcacunahuan pacta churanga. Sinchi runacunahuanmi quichushcacunataca chaupinacunga. Chaica, paica huañungacamanmi yallita llaquita aparca. Paica achcacunapac juchata aparishpami juchayuc shina tucurca. Juchayuccunamantami mañarca.

ISAÍAS 53:2

Diosta servicca chaquishca allpapi shuc sapi retoñac shinami, paipac ñaupapi llucshinga. Paipac ñahuitaca ricurcanchicmi, shinapish mana cuyaipacchu carca. Mana sumac ñahuichu carca.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

APOCALIPSIS 11:15

Canchisniqui ángel cornetapi tocacpimi jahua pachamanta sinchita caparishpaca: «Tucui cai allpa pacha llactacunaca, ñucanchic Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga» nirca.

MARCOS 4:30

Cutinllatac Jesusca: —Dios mandacuctaca, ¿ima shina cashcatatac nisha? ¿Ima parlohuantac chimbapurasha?

MARCOS 4:32

ashtahuanpish ña tarpushca huiñashpaca, tucui huertapi tiyac yuracunamanta yallimi tucun. Chai ramacunapimi volac animalcuna shamushpa, llandurincuna— nirca.

SAN LUCAS 17:6

Shina nicpimi Apunchic Jesusca: —Mostaza muyu shina ashallatapish crishpaca, cai jatun sicómoro yurata: “Caimanta anchuri, jatun cuchapi shayarigri” nicpica, cazunmanllami— nirca.