MARCOS 4:20 - Dios Rimashcata Quillcashcami

²⁰ Alli allpapi tarpushca muyu shinaca, alli huillaita shungupi chasquiccunami. Chaimantami shuc muyumanta quimsa chungata, maijancunaca sucta chungata, maijancunaca patsac granota pucuc shina tucuncuna— nirca.

Nuevo Testamento en Quichua Cañar 1996

²⁰ Ashtahuanpish maijan gentecunaca, alli allpapi tarpushca muyu shinami tucun. Paicunaca quishpirinamanta alli huillaita uyashpaca, shungupimi huacaichincuna. Shina cashpami maijancunaca shuclla muyumanta quimsa chungata p'ucuc shina, maijancunaca sucta chungata p'ucuc shina, maijancunaca pasac granota p'ucuc shina mirachincuna— nirca.

MARCOS 4:20 Referans Kwoze

COLOSENSES 1:10

Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli pucuc shina, tucui imapipish allita ruhuashpa, Diosmantapish allita yachacunguichic.

SAN LUCAS 8:15

Ashtahuanpish alli allpapi urmashca muyuca Dios rimashcata tucui shunguhuan uyashpa, alli cazushpa mana cungariccunami. Chashnami, alli pucuc shina cancuna.

MARCOS 4:8

Maijan muyuca alli allpapi urmashpami alli huiñashpa, shucmanta quimsa chungata, maijanca sucta chungata, maijanca patsac granota pucurca” nirca.

SAN MATEO 13:23

Alli allpapi urmashca muyu shinaca, Dios rimashcata allita entendicmi. Chaica allita pucushpa maijanca shucmanta quimsa chungata, maijanca sucta chungata, maijanca pasacta pucuc shinami tucun— nirca.

2 PEDRO 1:8

Cancuna tucui caicunata charishpa, punzhanta ruhuashpa causacpica, cancunapac causaipish grano pucuc shinami alli canga, shinallatac Apunchic Jesusta crishcapish mana yangachu canga.

GÉNESIS 26:12

Isaacca chai llactapimi tarpushpa causarca. Mandac Dios bendiciacpimi, chai huataca shuc granomanta patsac granota tandarca.

ROMANOS 7:4

Cuyashca criccuna, chai shinallatacmi mana mandashcacuna mandashca causangapac Cristohuan pacta huañushca canguichic. Cunanca Diospacta ruhuangapacmi, huañushcacunapuramanta causaric Jesucristopac canguichic.

SAN JUAN 15:16

Mana cancunachu ñucataca acllarcanguichic, ashtahuanpish ñucami cancunataca acllarcani. Cancuna rishpaca, allita, huiñaita pucuc yura shina causaichic, Shina causashpa, ñuca shutipi imata mañacpica, ñuca Taitaca cungallami.

1 TESALONICENSES 4:1

Cuyashca criccuna, ñucanchic yachachishca shina Dios munashcata ruhuashpa causaichic. Shinallatac punzhanta Dios munashca shina causachunmi Apunchic Jesuspac shutipi mañanchic.

FILIPENSES 1:11

Cancuna Jesucristollamanta alli grano pucuc shina allita ruhuacpimi, Diostaca “allimari cangui, sumacmari cangui” ningacuna.

SAN MATEO 13:8

Ashtahuanpish maijan muyuca alli allpapimi urmarca. Chaimantami allita pucushpa, maijanca shucmanta pasacta, maijanca sucta chungata, maijanca quimsa chungata pucurca.

SAN JUAN 15:2

Ñucapi cac, mana pucuc ramacunataca tucuitami pitinga. Cutin alli pucuc ramataca ashtahuan pucuchunmi, sumacta allichinga.