MARCOS 4:19 - Dios Rimashcata Quillcashcami

¹⁹ Chashna uyashpapish, cai causaipaclla munaihuan, charicyana munaihuan, charishpapish ashtahuan charina munaihuanmi pandarincuna. Chai munaicunami alli huillaita uyashcataca aguachic shina cungachin. Chaimantami grano mana pucuc shina ricurincuna.

Nuevo Testamento en Quichua Cañar 1996

¹⁹ Chashna uyashpapish, cai causaipacllami imatapish munancuna. Ña charishpacarin, ashtahuan charinata munashpami pandarincuna. Quishpirinamanta huillashcataca chai tucui munaicuna shamushpami, aguachic shina cungachin. Chaimantami paicunaca grano mana p'ucuc shina ricurincuna.

MARCOS 4:19 Referans Kwoze

1 TIMOTEO 6:17

Cai pachapi achcata chariccunataca: “Ama jatun tucushpa, chingarinalla charishcapi ama shunguta churangui” nishpa rimangui. Chaipac randica, ñucanchicman imallatapish atic aticta cushpa cushichic Diospi shunguta churachun ningui.

FILIPENSES 4:6

Ama imamanta llaquiricuichicchu. Ashtahuanpish Diosta mañacushpaca, tucuita paiman huillashpa, imamantapish pagui nicuichiclla.

SAN MATEO 19:23

Chaimantami Jesusca paipac yachacuccunataca: —Chayuccuna Dios mandacucman yaicunaca sinchimi canga. Chaica chashnatacmi.

SAN JUAN 15:2

Ñucapi cac, mana pucuc ramacunataca tucuitami pitinga. Cutin alli pucuc ramataca ashtahuan pucuchunmi, sumacta allichinga.

SAN LUCAS 21:34

Cancunallatac alli yuyarichic. Pacta machanallapi, micunallapi, cai pachapi imatapish charinallapi yuyashpa causacunguichicman. Pacta cancuna mana yuyashca horas chai punzhaca chayamunman.

SAN LUCAS 10:41

Ashtahuanpish Jesusca: —Marta, Marta, canca ucupi imata ruhuanacunallapimi yuyacungui.

ISAÍAS 5:4

Ñuca uvas chagrapica, ¿imatatac ashtahuan ruhuana carcani? ¿Imatatac mana ruhuashpa saquircani? Ñucaca alli uvasmi pucunga yuyashpami shuyacurcani. ¿Ima nishpatac sacha uvasrac pucurcayari?

ISAÍAS 5:2

Chai allpamanta quihuatapish, rumicunatapish anchuchishpami, allita uvasta acllashpa tarpurca. Chai chagra chaupipica jatun torretapish, uvasta cutanatapish ruhuarcami. Chai allpapi alli uvasta pucuchina yuyaihuan cacpica, sacha uvasmi pucurca.

2 PEDRO 1:8

Cancuna tucui caicunata charishpa, punzhanta ruhuashpa causacpica, cancunapac causaipish grano pucuc shinami alli canga, shinallatac Apunchic Jesusta crishcapish mana yangachu canga.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescenteca Galacia llactaman, cutin Titoca Dalmacia llactamanmi rirca.

ECLESIASTÉS 4:8

Maijan sapalla runaca ricsishcacunatapish, huahuacunatapish, huauquillatapish mana charinchu. Pai charishcata piman saquina mana tiyacpipish, manatac samarinchu. Mashnata charishpapish mana cushicunchu. Shinallatac: «¿Piman saquingapactac chashna mana samarishpa trabajacuni, imamantatac ñuca almataca yallita shaicuchini?» nishpapish mana tapurinchu. Chaipish yangallami. Shinallatac llashacta aparishca shina llaquimi.

SAN JUDAS 1:12

Paicunaca cancuna tandanacushpa micuicunapica, jatun pinganayaita ruhuashpami mapayachincuna. Paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca puyuta huaira caiman, chaiman apacuc shinami. Pucuna punzha mana pucuc yura shina, shinallatac ishca cutin huañushca sapimanta pitishca yura shinami cancuna.

SAN MATEO 3:10

Hachaca ñami yura chaquipi churashca. Diosca tucui mana pucuc yurataca, sapipi pitishpami ninapi rupachinga.

PROVERBIOS 23:5

¿Charic tucunaca yangalla cashcataca, manachu ricungui? Chaicunaca alas huiñacpi, anga jatarishpa jahuata ric shinami, cungailla chingarinlla.

PROVERBIOS 23:4

Ama chayucyanallata munanguichu. Chai munaita saquishpa, alli yuyaihuan puringui.

SAN MATEO 13:22

Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun.

MARCOS 4:18

Casha chaupipi urmashca muyu shinaca, alli huillaimanta huillashcata alli uyaccunami.

ROMANOS 12:2

Ama cai pacha gentecuna munashca shina causaichicchu. Chaipac randica, mushuc yuyaihuan shuctaclaya causaichic. Chashna causashpami, Diospac munaica sumac cashcata, yachac chayanguichic.

EFESIOS 2:2

Cai pacha mana alli causaita catishpami, huairapi puric mandac millai espíritu munashcata ruhuashpa causacurcanguichic. Chai espiritumi Diosta mana cazuccunataca mana allita ruhuachishpa mandacun.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.