MARCOS 4:16 - Dios Rimashcata Quillcashcami

¹⁶ Rumi allpapi urmashca muyu shinaca, alli huillaimanta huillashcata cushilla chasquiccunami.

Nuevo Testamento en Quichua Cañar 1996

¹⁶ Shinallatac maijan gentecunaca, rumi allpapi urmashca muyu shinami tucun. Quishpirinamanta huillacpica, cushillami crishpa chasquincuna.

MARCOS 4:16 Referans Kwoze

SAN LUCAS 8:13

Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

MARCOS 6:20

Herodesca Juantaca cashcata ruhuac, Diospaclla causactami yacharca. Chaimantami paita manchashpa, cuidashpa charirca. Imata ruhuanata yuyacushpapish, Juan huillacpica, cushillami uyac carca.

SAN JUAN 5:35

Juan huillashcaca luz achicyachicuc shinami carca. Cancunaca ashacamanllami achicpi canata munarcanguichic.

HECHOS 8:13

Chai brujo Simonpish Jesusta crishpa, bautizarishpami Felipehuan puricurca. Paica milagrocunata, mancharinacunata ruhuacta ricushpami, mancharishpa puric carca.

HECHOS 26:28

Pablo chashna nicpimi Agripaca: —¿Ashata nishpallachu, ñucataca cricta ruhuasha ningui?— nirca.

SAN MATEO 13:5

Maijan muyuca rumi allpapimi urmarca. Ashalla allpapi cashcamantami utca huiñarca.

MARCOS 4:15

Ñanpi urmashca muyu shinaca, alli huillaita uyaccunami. Shina uyacpipish, Satanás shamushpami shungumanta anchuchircalla.

MARCOS 4:17

Shina cashpapish, mana sapiyuc shina cashcamantami, llaquicuna japicpi, mana cashpaca alli huillaita crishcamanta gentecuna piñacpica, crinata saquincunalla.