MARCOS 3:8 - Dios Rimashcata Quillcashcami

⁸ Shinallatac Judea llactamantapish, Jerusalén pueblomantapish, Idumea llactamantapish, Jordán yacu chimba lado llactacunamantapish, Tiro, Sidón pueblocunamantapishmi achca gentecuna shamurca. Chai gentecunaca Jesús allicunatami ruhuacucta uyashpami shamurca.

Nuevo Testamento en Quichua Cañar 1996

⁸ “Jesusca imatapish allitami ruhuacun” nicta uyashpami, Judea llactamantapish, Jerusalén pueblomantapish, Idumea llactamantapish, Jordán yacu chimbanicpi tiyac llactacunamantapish, Tiro shinallatac Sidón pueblocunamantapish achca gentecuna Jesuspacman shamurcacuna.

MARCOS 3:8 Referans Kwoze

EZEQUIEL 35:15

Canca israelcunaman ñuca cushca llacta llaquinayai tucuchishcata ricushpaca cushicurcanguimi. Chashnallatacmi cantapish llaquichisha. Seir urcupish, Edom llactapish chaipi tucui causaccunandimi llaquinayaita tucuchishca canga. Shina ruhuacpimi, ñucataca Mandac Dios cashcata yachangacuna nini” ninmi ningui.

SAN MATEO 11:21

«¡Aij, Corazín pueblolla, Betsaida pueblolla! Cancunapac pueblocunapi ruhuashca shinata Tiro pueblopi, Sidón pueblopi ruhuashca cacpica, llaquirishpa, sharpa churanata churarishpa, uchupahuan cahuirishpa, Diosman cutirinmanmi carca.

EZEQUIEL 36:5

Chaimantami Mandac Dios ñucaca: Shuctac llactapi causaccunapish, Edom llactapi causaccunapish, ñuca llactataca cushicushpami japirca. Chaipi causaccunata yallita piñashpami, prezu aparca. Chaimantami ñucaca nina japiric shina yallita piñarishpa rimarcani.

ISAÍAS 34:5

Mandac Diospac espadami jahua pachapi ricuringa. Edom llactapi causaccunata llaquichishpa tucuchingapacmi urai shamunga.

MARCOS 7:24

Jesusca chaimanta rishpaca Tiro llacta, Sidón llactamanmi chayarca. Chaipi cashcata pipish ama yachachunmi, shuc huasiman yaicurca. Chashna cacpipish gentecunaca Jesús maipi cashcata yachac chayarcami.

SALMOS 87:4

Ñucata ricsic llactacunaca: «Rahab shinallatac Babilonia llactamantami rimasha. Filistea, Tiro shinallatac Etiopía llactacunapi causaccunapish, chaillapitacmi huacharishca» nishami.

SALMOS 45:12

Tiro pueblopi causaccunami convidanacunahuan cambacman shamun. Chayuccunapish cambac ñaupapi alli ricuringapacmi convidanacunahuan shamun.

MARCOS 7:31

Jesusca Tiro llactamanta llucshishpaca, Sidón llactata, Decápolis llactata rishpami, Galilea cuchaman chayarca.

JOSUÉ 15:1

Judapac churicunamanpish paicuna mashna cashcata ricushpami suerteta ruhuashpa curca. Paicunaca Edom llactacaman, shitashca pamba Zincamanmi inti llucshina ladoman japirca.

JOSUÉ 15:21

Judá aillupac ura Edom llactacaman, ura ladoman cac pueblocunaca caicunami: Cabseel, Edar, Jagur,

SAN MATEO 4:25

Chaimantami Galilea llactamantapish, Decápolis nishca chunga pueblocunamantapish, Jerusalén pueblomantapish, Judea llactamantapish, Jordán yacu chimba ladopi cac llactacunamantapish, achca gentecuna Jesustaca catirca.

SAN LUCAS 6:17

Jesús paicunahuan urcumanta shamushpaca, shuc pambamanmi chayarca. Chai pambamanmi paipac yachacuccunapish, Judea llactamantapish, Jerusalén pueblomantapish, mama cucha lado Tiro llactamantapish, Sidón llactamantapish achca gentecuna Jesús yachachishcata uyangapac, ungüicunamanta alliyangapacpish shamushca carca.