MARCOS 2:22 - Dios Rimashcata Quillcashcami

²² Cunanlla ruhuashca vinotapish, mauca cara capachupica pi mana churanchu. Chaica, cunanlla ruhuashca vino mauca capachuta tucyachicpica, vinopish, capachupish tucuringami. Chaimantami cunanlla ruhuashca vinotaca, mushuc capachupi churana— nirca.

Nuevo Testamento en Quichua Cañar 1996

²² Shinallatac cunanlla ruhuashca vinotapish, caramanta ruhuashca mauca capachupica pi mana churanchu. Chashna churacpica, cunanlla ruhuashca vino mauca capachuta tucyachicpica, vinopish, capachupish tucuringami. Chaimantami cunanlla ruhuashca vinotaca, mushuc capachupi churana— nirca.

MARCOS 2:22 Referans Kwoze

SAN MATEO 9:17

Chai shinallatac pipish cunanlla ruhuashca vinotaca, mauca capachupica mana churanchu. Chashna churacpica, capachuca lliquiringami. Chashna lliquiricpica, vinopish, capachupish tucuringami. Chaimantami cunanlla ruhuashca vinotaca, mushuc capachupi churana. Chashna ishcaitac mushuc cashpaca, imapish mana tucungachu— nirca.

SALMOS 119:83

Cushnipi huarcushca cara shina cashpapish, quillcashpa mandashcataca mana cungarircanichu.

SALMOS 119:80

Mana pingaichishca cangapacca can mandashcacunata tucui shunguhuan allita pactachicta ruhuaiyari.

JOSUÉ 9:13

Shinallatac vino churana capachupish ñucanchic vinota churacucpica, mushucmi carca. Riquichic, cunanca payayashpami ña lliquirishca. Cai ñucanchic churanacunapish, ushutacunapish yalli caruta purishcamantami payayashca— nircacuna.

JOSUÉ 9:4

llullashpa umanatami yuyarirca. Chashna yuyarishpami shuc huillacta paya sacocunata, vino churanatapish paya remendashcata burrocunapi apachishpa,

JOB 32:19

Ñuca yuyaicunaca, cunanlla ruhuashca vinota mushuc capachupi churacpi, yallita timbushpa, tucyacuc shinami.

MARCOS 2:21

Pipish mauca churanataca, mushuc pañohuanca mana remendanchu. Chaica, mushuc paño uchillayashpaca, mauca churanataca ashtahuan lliquinmanmi.

MARCOS 2:23

Samana punzhapimi, Jesusca paipac yachacuccunahuan trigo chagra chaupita ricurca. Chaita ricushpami, yachacuccunaca trigo umata piti callarirca.