Biblia Todo Logo
Bib sou entènèt

- Piblisite -




MARCOS 2:20 - Dios Rimashcata Quillcashcami

20 Noviota apana punzhacuna chayamucunmi. Chai punzhacunapimi ayunangacuna.

Gade chapit la Kopi

Nuevo Testamento en Quichua Cañar 1996

20 Novio illaclla cana punzhacuna chayamucunmi. Chai punzhacunapimi ayunangacuna.

Gade chapit la Kopi




MARCOS 2:20
29 Referans Kwoze  

Jesusca paipac yachacuccunataca: —Runa Tucungapac shamushca ñuca mandacucta ashallapish ricunata munana punzha chayamungami. Chashna munashpapish, mana ricungachu.


Chai quipaca canchis tucurina llaquicunata copapi charicuc, chai canchis angelcunapuramanta shuc ángel shamushpami ñucataca: «Shamui, Pactalla Ovejapac huarmi cana novia allichishcata ricuchisha» nirca.


Pactalla Ovejapac cazarana bodaca ñami chayamushca. Paipac huarmipish ña allichirishcami. ¡Chaimanta cunanca yallita cushicushpa, Diostaca ‘sumacmari cangui’ nishunchic!


Quiquin maquihuanmi shaicucta trabajarcani. Tauca cutinmi mana sueñushpa pacarircani. Yarcaihuanpish, yacunayaihuanpish carcanimi. Tauca cutinmi mana micurcani. Chirimantapish, churana illaimantapish llaquitami aparcani.


Diosca paipaclla causachun munashcamantami, ñucapish chashnallatac causachun munani. Ñucaca shuc cusallahuan cazarachingapac, manarac pihuan chayarishca solterata ari nichic shinami cancunataca Cristohuan ari nichishpa paipacllata ricuchisha nini.


Chaimanta caishucpish, chaishucpish ama misarinacuichicchu. Shina cashpapish Diosta tucui shunguhuan mañangapacca, ishcaindita yuyarinacushpami, asha punzhacunacaman chayarinataca saquina canguichic. Chai quipaca Satanás huainayana yuyaita ama cuchun tandaringuichiclla.


Tandanacushca criccunapurapica, ayunashpa Diosta mañashpami, pushac yuyaccunata acllashpa saquirca. Chashnami paicuna crishca Apunchic Jesusman mingarca.


Dios tucuita mushucta ruhuangacamanmi Jesucristoca jahua pachapi cana can. Chashnami Diosca, jucha illac, pai ima nishca huillaccunaman huillachishca.


Chaita nishca quipami, paicuna ricucucpi, Jesusca jahua pachaman apashca carca. Paita puyu pacacpica, ña mana ricurcacunachu.


Can maipi cashcamanmi rini. Ñuca shinallatac paicunapish yallita cushicuchunmi, cai pachapi cashparac cashna mañani.


Ñucaca ña mana cai pachapi cagrinichu, cambacmanmi rigrini. Ñucata caticcunaca cai pachapimi saquirin. Jucha illac Taitalla, ima shinami canhuan shuc shinalla canchic, chai shinallatac paicunapish shuc shinalla cachun, cambac poderhuan cuidaiyari.


Ñuca Taitapacmantami cai pachaman shamurcani. Cunanca cai pachata saquishpami, ñuca Taitapacman cutigrini— nirca.


Shina cacpipish, cancunapac allipac rinami cani. Chashna ñuca mana ricpica, cancunata Cushichicca mana cancunapacman shamungachu. Ñuca rishpami, paitaca cachasha. Chaica chashnatacmi canga.


Cuyashca yachacuccunalla, ashacamanllami cancunahuan cagrini. Cancunaca ñucata mashcanguichicmi. Mandac israelcunata nishca shinami cancunatapish nini: Ñuca maiman ricushcamanca, mana ri pudinguichicchu.


Shuc bodapica, noviaca noviopacmi. Noviopac ricsishcaca, novio rimashcata uyashpaca cushicunmi. Shinallatacmi ñucapish Novio rimashcata uyashpaca, yallita cushicuni.


Chaipimi Jesusca: —Dios quillcachishcapica: “Michictaca huañuchishami. Ovejacunaca caita chaitami ringa” ninmi. Chaimantami cancunaca cunan tutallatac ñucata saquishpa, caita chaita ringuichic.


Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.


Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.


Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.


¡Sionpi causac solteracunalla, jatun mandac Salomonta ricungapac llucshichicyari! Paipac shungu cushicui punzhapi, pai cazarai punzhapi, paipac mama churachishca coronata churashcami shamucun.


Can sumac huarmitaca jatun mandacmi cuyan. Paica cambac jatun mandacmari. Chaimantami paipac ñaupapi cumurina cangui.


Chashnami macashca, carcelpi churashca, tandanacushpa camishca, sinchi ruhuaihuan, mana sueñushca, shinallatac yarcaihuanpish carcanchic.


Huacchacunaca punzhantami cancunahuan. Ashtahuanpish ñucaca mana cancunahuan causacushallachu— nirca.


Chashna tapucpimi Jesusca: —¿Bodapi caccunaca, Novio paicunahuan cacpica, llaquillachu canga? Ashtahuanpish Novio illaclla cana punzhacunami chayamucun. Chai punzhapimi ayunanga.


Chashna tapucpimi Jesusca: —¿Bodapi caccunaca Novio paicunahuan cacpica, ayunangachu? Novio paicunahuan cacpica, mana ayunanchu.


Pipish mauca churanataca, mushuc pañohuanca mana remendanchu. Chaica, mushuc paño uchillayashpaca, mauca churanataca ashtahuan lliquinmanmi.


Novio illaclla cana punzhacuna chayamucunmi. Chai punzhacunami ayunanga— nirca.


Swiv nou:

Piblisite


Piblisite