MARCOS 15:24 - Dios Rimashcata Quillcashcami

²⁴ Jesusta cruzpi chacatashpaca, paipac churanacunata maijanlla japingapacmi suerteta ruhuarca.

Nuevo Testamento en Quichua Cañar 1996

²⁴ Chashna ruhuashca q'uipami, soldadocunaca Jesusta cruzpi chacatarcacuna. Chai q'uipaca: “Jesuspac churanacunata maijanmi japinchic” nishpami, paicunapura suerteta ruhuarcacuna.

MARCOS 15:24 Referans Kwoze

SAN LUCAS 23:34

Chashna chacatacpipish Jesusca: —Ñuca Taitalla, cai gentecunaca ima ruhuacushcata mana yachanchu. Chaimanta perdonai— nirca. Cutin Jesuspac churanacunata suerteta ruhuashpami chaupinacurca.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

HECHOS 5:30

Cancunami Jesustaca chacatashpa huañuchircanguichic. Shina huañuchicpipish, ñucanchic ñaupa taitacunapac Mandac Diosmi paitaca causachirca.

DEUTERONOMIO 21:23

mana tucui tuta sachapi huarcushca saquirinachu can. Chai huañushcataca Dios maldiciashca cashcamantami chai punzhallatac enterrana can. Chashna ruhuashpami Mandac Dios cancunaman cushca allpataca mana mapayachinguichic.

HECHOS 2:23

Dios ñaupaman yachashca shina, munashca shinami, chai Jesustaca prezushpa, chacatachun millai runacunaman curcanguichic. Chashnami huañuchircanguichic.