MARCOS 14:61 - Dios Rimashcata Quillcashcami

⁶¹ Jesusca imata mana nishpa upallami carca. Chaimanta curacunata mandac curaca Jesustaca: —¿Canca alli nina Diospac Churi Cristochu cangui?— nishpa, cutin tapurca.

Nuevo Testamento en Quichua Cañar 1996

⁶¹ Chashna tapucpipish, Jesusca imata mana nishpa upalla carcallami. Chaimanta chai curacunata jatun mandac curaca Jesustaca: —¿Canca sumac Diospac Churi Quishpichic Cristochu cangui?— nishpa, cutin tapurca.

MARCOS 14:61 Referans Kwoze

MARCOS 15:2

Chaipimi Pilatoca: —¿Canchu israelcunata Jatun Mandac cangui?— nirca. Shina tapucpimi Jesusca: —Ari, canllatac nishcanguimi— nirca.

ISAÍAS 53:7

Paica yallita llaquichishca, cumurichishca cashpapish imata mana nircachu. Pactalla oveja shinami, huañuchina pushtuman apashca carca. Paica rutuccunapac ñaupapi oveja siricuc shinami, upalla carca.

SAN JUAN 19:7

Shina nicpimi israelcunaca: —Pai ‘Diospac Churimi cani’ nishcamantaca, ñucanchicta mandashcapi nishca shinaca, huañunami can— nirca.

1 PEDRO 2:23

Paita camicpipish, paica mana camircachu. Llaquichicpipish, paica mana llaquichircachu. Chaipac randica cashcata ricushpa, taripac Diosllatac llaquichichunmi saquirca.

SAN JUAN 10:36

Diosca chicanyachishpami, ñucataca cai pachaman cacharca. ¿Chashna cashca jahuachu ñucataca: “Diospac Churimi cani” nishpaca, “Diostami piñachicun” ninguichic?

SAN JUAN 1:34

Chaitaca ñucami ricurcani. Chaimantami: “Paica Diospac Churimi” nishpa, huillacuni» nirca.

SAN MATEO 16:16

Shina tapucpimi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

SALMOS 119:12

¡Mandac Dioslla, canca alli nishcami cangui! Can mandashcacunata yachachiyari.

SALMOS 39:9

Canllatac ñucata llaquichishcamantami mana rimashpa upalla saquirini.

SALMOS 2:7

Mandac Dios cushca mandashcataca huillashami. Pai ñucata rimashpaca: «Canca ñuca churimi cangui. Cunanmi canmanca causaita cuni.

1 TIMOTEO 6:15

Diosca pai acllashca punzha pactacpimi, Apunchic Jesucristotaca cutin cachanga. Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

1 TIMOTEO 1:11

Cai alli yachaicunataca quishpirinamanta sumac alli huillaimi yachachin. Chaita huillachunmi, tucui mashna alli nina Diosca ñucaman mingarca.

HECHOS 8:32

Pai rezacushca Dios quillcachishcaca: «Paitaca maltón ovejata shinami huañuchingapac aparca. Ovejata rutucucpi, upalla cac shinami, paica upalla carca.

SAN JUAN 19:9

mandashpa tiyana ucuman yaicurca. Chashna yaicushpaca Jesustaca: —¿Maimantatac cangui?— nirca. Shina tapucpipish, Jesusca imata mana nircachu.

SAN JUAN 18:37

Chaimantami Pilatoca: —Shinashpaca, ¿canca jatun mandacchu cangui?— nirca. Shina nicpimi Jesusca: —Ari, can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN JUAN 10:24

Chaipi Jesuspac muyundipi israelcuna shayarishpaca: —Can Cristo cashpaca, cunanllatac alli huillai: ¿Ima horascamantac can pi cashcata mana yachashpa puricushunyari?— nirca.

MARCOS 14:60

Chaimantami curacunata jatun mandac cura tucuipac chaupipi jatarishpa, Jesusta tapushpaca: —Cai tucuita nicucpipish, ¿manachu imata ningui?— nirca.