MARCOS 14:36 - Dios Rimashcata Quillcashcami

³⁶ Ñuca Taitalla, canca imatapish ruhuai pudicmi cangui. Cai jayac ubiana shina llaquita ñucamanta anchuchi. Shina cacpipish, ama ñuca munashcata ruhuaichu, ashtahuanpish can munashcata ruhuai» nirca.

Nuevo Testamento en Quichua Cañar 1996

³⁶ Ñuca Taitalla, canmanca imapish ruhuaipacllami. Cai jayac ubiana shina llaquita ñuca mana apana cacpica, jarcaiyari. Shina cacpipish ama ñuca munashcata ruhuaichu, ashtahuanpish can munashcata ruhuai— nishpami mañarca.

MARCOS 14:36 Referans Kwoze

GÁLATAS 4:6

Ñucanchic ña paipac huahuacuna cacpica, Diosca paipac Churipac Espiritutami ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

SAN JUAN 5:30

Ñuca munaimantaca imata mana ruhuai pudinichu. Ñucata cachac Taita nishcata uyashpami taripani. Mana ñuca quiquin munaimanta, ashtahuanpish ñuca Taita munaimantami juchanchini. Chaimantami cashcata ruhuashpa juchanchini.

2 TIMOTEO 2:13

Ñucanchic pai ima nishcacunata mana pactachicpipish, paica pactachishpami catin. Pai ima shina cashcataca mana yanga ninchu” nishcami.

SAN JUAN 12:27

Cunanca yallita llaquillami cani. ¿Cunanca imatac nisha? ¿Taitalla, cai llaquimanta anchuchiyari nishachu? Mana chashna nishachu, llaquita apangapacmi shamurcani.

TITO 1:2

shinallatac ñucanchic cushicushpa shuyacushca huiñai causaita chasquichunmi huillani. Chai causaitaca cashcata nic Diosmi cai pacha manarac tiyacpi ña cusha nirca.

FILIPENSES 2:8

Chashna aichayuc cashpapish Diosta cazuc cashcamantami, paillatac cruzpi chacatarishpa llaquita huañuchichunpish, mana misarishpa saquirca.

SAN JUAN 18:11

Chaimantami Jesusca Pedrotaca: —Espadata maipi charicushcallapitac huacaichi. Ñuca Taita cushca cai jayac ubiana shina llaquitaca ¿manachu apana cani?— nirca.

MARCOS 10:27

Jesús paicunata ricushpaca: —Gentecunaca maita mana quishpiripacmi, ashtahuanpish Diosmanca imapish ruhuaipacllami— nirca.

SAN JUAN 4:34

Shina nicpimi Jesusca: —Ñuca micunaca, ñucata cachac Diospac munaita ruhuanami, pai imata ruhuachun nishcata tucuchinami.

SAN MATEO 26:39

Jesusca ashata chainicman rishpa, pambacaman cumurishpa, Diosta mañashpaca: «Ñuca Taitalla, cai llaquita ñucamanta anchuchiyari. Shina cacpipish ama ñuca munashcata ruhuaichu, ashtahuanpish can munashcata ruhuai» nirca.

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

JEREMÍAS 32:27

«Ñucaca tucui cai pachapi causaccunata Mandac Diosmi cani. Ñucamanca imapish mana ruhuaipacca mana tiyanchu.

SALMOS 40:8

“Ñuca Dioslla, cambac munaita ruhuashpami cushicuni. Can mandashcataca ñuca shungupimi huacaichini” ninmi» nircani.

GÉNESIS 18:14

Mandac Diosmanca, ¿imapish mana ruhuaipacca tiyanchu? Cunan shina shamuc huata ñuca cutimucpica, Saraca ñami shuc cari huahuata charinga— nirca.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

SAN MATEO 26:42

Cutinllatac Jesús mañangapac rishpaca: —Ñuca Taitalla, llaquita ñuca apanatac cacpica, can munashca shina cachun— nirca.

MARCOS 14:37

Jesús mañashpa cutimushpaca, paicuna sueñucucpimi tuparirca. Chaimantami Pedrotaca: —Simón, ¿sueñucunguillachu? ¿Manachu shuc horasllatapish riccharishca cai pudircangui?

MARCOS 10:39

Chashna nicpimi paicunaca: —Ari, chaita apashunllami— nirca. Chashna nicpimi Jesusca: —Ari, cancunaca jayacta ubiac shina, bautizaric shina llaquicunataca, ñuca shina apanguichicmi.