MARCOS 13:2 - Dios Rimashcata Quillcashcami

² Chashna nicpimi Jesusca: —¿Cai jatun huasicunallata ricushpachu mana mancharicungui? Caipica shuc rumillapish mana saquiringachu, tucuimi urmachishca canga— nirca.

Nuevo Testamento en Quichua Cañar 1996

² Chashna nicpi Jesusca: —¿Cai jatun huasicunallata ricushpachu mana amiricungui? Caipica shuc rumillapish pircashcaca mana saquiringachu, tucuimi urmachishca canga— nirca.

MARCOS 13:2 Referans Kwoze

SAN LUCAS 21:6

Jesusca: —Tucui urmachishca, rumillapish mana pircashca saquirina punzhacunami chayamucun— nirca.

SAN MATEO 24:2

Chashna ricuchicpimi Jesusca: —¿Tucui caicunallata ricushpachu mancharicunguichic? Caipica, shuc rumillapish mana saquiringachu, tucui urmachishcami canga. Chaica chashnatacmi tucunga— nirca.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.

JEREMÍAS 26:18

«Judá llactata jatun mandac Ezequías mandacui huatacunapimi, Moreset llactamanta huillac Miqueas Judá llactapi tucui causaccunaman Dios huillashcata huillarca. Pai huillashpaca: “Tucuita Mandac Diosca: Sión urcuca tarpuna allpa tucushpami yapushca canga. Jerusalenca rumi montón shina, ñuca huasi shayacuc lomaca sacha urcumi tucunga” ninmi.

APOCALIPSIS 11:2

Ashtahuanpish Mandac Diosta mañana huasi canzha pambataca ama medinguichu. Chaica Diosta mana ricsiccunaman cushcami. Paicunami chuscu chunga ishcai quillata Diospaclla cac pueblotaca llaquichinga.

HECHOS 6:14

Shinallatac Nazaret pueblomanta Jesusca, Diosta mañana huasitapish urmachingami. Moisés ñucanchicta yachachishcatapish chingachishpa, shuclayatami yachachinga nictami uyarcanchic— nirca.

DANIEL 9:26

Sucta chunga semana quipa Dios cachashca quishpichicta huañuchicpica, imata mana charic saquiringachu. Shuctac jatun mandacpac gentecuna shamushpami, Jerusalentapish, Diospaclla chicanyachishca ucutapish tucui tucuchinga. Yacu jundashpa shamuc shinami tucuchinga. Jatun macanacuita tucuchingacaman llaquichinami tiyacunga.