MARCOS 12:35 - Dios Rimashcata Quillcashcami

³⁵ Diosta mañana huasipi Jesús yachachicushpaca: «Mandashcacunata yachachiccunaca, ¿ima nishpatac Cristotaca: “Mandac Davidpac aillupurami canga” nincuna?

Nuevo Testamento en Quichua Cañar 1996

³⁵ Diosman mañana huasipi Jesús yachachicushpaca: —Mandashcacunata yachachiccunaca, ¿ima nishpatac Quishpichic Cristotaca: ‘Mandac Davidpac aillupurami canga’ nincuna?

MARCOS 12:35 Referans Kwoze

SAN MATEO 26:55

Shinallatac Jesusca paita japiccunataca: —¿Shuhuacta shinachu espadacunahuan, caspicunahuan japingapac, shamunguichic? Punzhantami Diosta mañana huasipi yachachishpa cancunahuan carcani. Chaipica mana japircanguichicchu.

SAN JUAN 18:20

Chashna tapucpimi Jesusca: —Ñucaca tandanacuna huasicunapipish, Diosta mañana huasipipish tucuipac ñaupapimi yachachircani. Mana pacalla yachachishcanichu.

SAN JUAN 7:42

¿Manachu Dios quillcachishcapica: “Cristoca mandac Davidpac aillupuramanta, pai huacharishca Belén pueblomanta shamunga” nin?» ninacurca.

SAN LUCAS 21:37

Jesusca punzhaca Diosta mañana huasipimi yachachic carca. Tutaca Olivos urcumanmi ric carca.

SAN LUCAS 20:1

Shuc punzha Jesús Diosta mañana huasipi alli huillaimanta yachachicucpimi, Israel curacunata mandac curacunapish, mandashcacunata yachachiccunapish, cunac yuyaccunapish chayarca.

SAN LUCAS 19:47

Jesusca tucui punzhacunami Diosta mañana huasipi yachachic carca. Cutin curacunata mandac curacunapish, mandashcacunata yachachiccunapish, llactata mandaccunapish Jesustaca ima shina huañuchinatami yuyacurca.

MARCOS 11:27

Chai quipami Jerusalén puebloman cutimurcacuna. Chaipica Diosta mañana huasipi Jesús puricucpimi, Israel curacunata mandac curacunapish, mandashcacunata yachachiccunapish, cunac yuyaccunapish paipacman cuchuyarca.

SAN MATEO 9:27

Jesús chaimanta ricucpimi, ñahui mana ricuc ishcai runacuna catishpa rishpaca: —Mandac Davidpac churi Apunchic Jesús, ¡ñucanchictaca llaquiyari!— nirca.

MARCOS 10:1

Jesusca Capernaúm pueblomanta llucshishpaca, Jordán yacuta pasashpa, Judea llactamanmi rirca. Jesusca achca gentecuna tandanacumucpimi, pai yachachic cashca shinallatac cutin yachachi callarirca.

MARCOS 14:49

Punzhantami cancunahuan Diosta mañana huasipica yachachicurcani. Chaipica mana japircanguichicchu. Ashtahuanpish Dios quillcachishcapi nishca pactachunmi, cashna japingapac shamushcanguichic— nirca.