MARCOS 10:32 - Dios Rimashcata Quillcashcami

³² Jesusca Jerusalén puebloman ñanta ricushpaca, paipac yachacuccunapac ñaupatami ricurca. Yachacuccunaca manchai manchaillami Jesustaca catishpa ricurca. Chaimantami Jesusca chunga ishcai yachacuccunallata cayashpa, pai ima tucunata huillai callarirca. Pai huillashpaca:

Nuevo Testamento en Quichua Cañar 1996

³² Jesusca Jerusalén puebloman ñanta ricushpaca, paipac yachacuccunapac ñaupatami ricurca. Paicunaca manchai manchaillami Jesustaca c'aticurcacuna. Chashna manchaihuan c'aticucpimi, Jesusca chai chunga ishcai yachacuccunallata c'ayashpa, pai ima tucunata cutin huillai callarirca:

MARCOS 10:32 Referans Kwoze

SAN LUCAS 9:51

Jesusca jahua pachaman rina punzha chayamucucpimi, Jerusalén puebloman rina yuyailla carca.

SAN JUAN 11:16

Shina nicpimi, ishcaipura huacharishca Tomasca caishuc yachacuccunataca: —Ñucanchicpish Jesus-huan huañungapac jacuchic— nirca.

SAN JUAN 11:8

Shina nicpimi yachacuccunaca: —Yachachic, sarunllami israelcunaca rumihuan shitashun nircacuna. ¿Chashna cashca jahuachu cutin chaillamantac risha ningui?— nirca.

SAN LUCAS 10:23

Jesús yachacuccunallata cayashpaca: —Cunan ricucushcata ricuccuna cushicuichic.

MARCOS 4:34

Paicunamanca chimbapurashca parlocunallahuanmi imatapish yachachirca. Paipac yachacuccunallahuan cashpaca, ima nisha nishcatapish tucuimi entendichirca.

SAN MATEO 13:11

Chashna tapucpimi Jesusca: —Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu.

ZACARÍAS 3:8

Curacunata mandac Josuella, canpish, cambac ñaupapi tiyacuc cambac ricsishcacunapish alli uyaichic. Retoñashca ñucata servic shamunata ricuchiccunami canguichic.

SAN MATEO 11:25

Chai quipami Jesusca: «Jahua pachata, cai pachata Mandac ñuca Taitalla, cantaca “allimari cangui” ninimi. Canca, cai yachanacunataca alli yuyaiyuc, alli yachaccunamanta pacashpami, huahuacuna shinamanmi, yachana yuyaita cushpa yachachishcangui.

MARCOS 1:27

Chaimantami tucui gentecuna mancharinacushpa: “¿Caica imatac? ¿Mushuc yachachinatachu yachachicun? Millai supaita llucshi nicpica, cazushpa llucshinllami” nishpami tapunacurca.

SAN LUCAS 19:28

Chashna nishca quipami, Jesusca yachacuccunapac ñaupata Jerusalenman rirca.