MARCOS 10:23 - Dios Rimashcata Quillcashcami

²³ Chaimanta Jesús muyundita ricushpa, paipac yachacuccunataca: —¡Chayuccunapacca Dios mandacucman yaicunaca sinchimi!— nirca.

Nuevo Testamento en Quichua Cañar 1996

²³ Chaimanta Jesús muyundic gentecunata ricushpa, paipac yachacuccunamanca: —¡Chayuccunaca Taita Dios mandacucmanca mana utca yaicui pudingachu!— nirca.

MARCOS 10:23 Referans Kwoze

1 CORINTIOS 1:26

Cuyashca criccuna, gentecuna yuyashca shina ashacunalla yachaccuna cacpipish, ashacunalla mandaccuna cacpipish, ashacunalla alli nishca aillucuna cacpipish, Diosca cancunata cayashcami. Chaitami yuyarina canguichic.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

SAN LUCAS 18:24

Chashna llaquilla tucucta ricushpami Jesusca: —¡Chayuccuna Dios mandacucman yaicunaca sinchimi!

MARCOS 3:5

Chaimantami muyundipi caccunata ricushpa piñarirca. Jesusca paicuna sinchi shungu cashcamantami yallita llaquirishpa, chai maqui chaquishca runataca: —Maquita chutai— nirca. Chai runa maquita chutacpica, maquica alli tucurcallami.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata cuyacca, Diostaca piñanmi. Chaitaca, ¿manachu yachanguichic? Maijanpish cai pachapaclla caccunata cuyasha niccunaca, Diosta piñaccunami tucun.

SAN JUAN 3:5

Shina nicpimi Jesusca: —Maijanpish yacumanta, Diospac Espiritumanta mana huacharicca, Dios mandacucmanca manatac yaicungachu. Chaica chashnatacmi canga.

MARCOS 10:15

Maijanpish shuc huahua shina, Dios mandacucta mana chasquicca, Dios mandacucmanca mana yaicungachu. Chaica chashnatacmi canga— nirca.

MARCOS 5:32

Jesusca pi tuparishcata yachangapacmi muyundita ricucurca.

SAN MATEO 18:3

—Cancuna huahuacuna shina mana tucushpa, huahuacuna ruhuac shina mana ruhuashpaca, jahua pacha Dios mandacucmanca mana yaicunguichicchu. Chaica chashnatacmi canga.

JOB 31:24

Curipi ñuca shunguta churashca cashpaca, shinallatac alli curita: “Canmi ñuca shuyanaca cangui” nimanmi carcani.

MARCOS 10:22

Chai runaca yalli chayucmi carca. Chaimantami llaquilla rirca.