MARCOS 10:1 - Dios Rimashcata Quillcashcami

¹ Jesusca Capernaúm pueblomanta llucshishpaca, Jordán yacuta pasashpa, Judea llactamanmi rirca. Jesusca achca gentecuna tandanacumucpimi, pai yachachic cashca shinallatac cutin yachachi callarirca.

Nuevo Testamento en Quichua Cañar 1996

¹ Jesusca Capernaum pueblomanta llucshishpaca, Jordán yacuta pasashpa, Judea llactamanmi rirca. Paipacman achca gentecuna tandanacumucpimi, Jesusca pai yachachic cashca shinallatac cutin yachachi callarirca.

MARCOS 10:1 Referans Kwoze

SAN JUAN 10:40

Jesusca Jordán yacu chimba ladoman cutishpami, chaipi saquirirca. Chaipimi Bautizac Juan utcaman bautizac carca.

MARCOS 4:2

Chaipimi chimbapurashca parlocunahuan achcata yachachirca. Pai yachachishpaca:

SAN JUAN 11:7

Chai quipami, Jesusca paipac yachacuccunataca: —Cutinllatac Judea llactaman jacuchic— nirca.

MARCOS 6:34

Canoamanta Jesús llucshishpaca, achca gentecunatami ricurca. Paicuna michic illac ovejacuna shina cashcamantami Jesusca llaquirishpa, paicunaman tucuita yachachi callarirca.

SAN MATEO 4:23

Jesusca tucui Galilea llacta israelcuna tandanacuna huasipimi yachachishpa puricurca. Dios mandanamanta alli huillaita huillashpami, tucuilaya ungüihuan, nanaihuan cac gentecunatapish alliyachishpa puricurca.

JEREMÍAS 32:33

Paicunaca ñahuita ricuchinapac randica, huashatami ricuchirca. Ñuca paicunata utcamanta pacha allita yachachicucpipish, allita causachun cunacucpipish, mana uyarcachu.

SAN JUAN 18:20

Chashna tapucpimi Jesusca: —Ñucaca tandanacuna huasicunapipish, Diosta mañana huasipipish tucuipac ñaupapimi yachachircani. Mana pacalla yachachishcanichu.

MARCOS 6:6

Jesusca chai gentecuna mana crishcamantami yallita llaquirishpa, chai muyundi llactacunapi yachachishpa puricurca.

MARCOS 2:13

Chai quipaca Jesusca cutinmi Galilea cucha pataman rirca. Achca gentecuna paipacman shamucpimi, yachachirca.

ECLESIASTÉS 12:9

Huillac runaca ashtahuan yachacushpaca ashtahuanmi gentecunata yachachirca. Shinallatac allita uyashpa ima shina cashcata ricushpami tauca yuyachic rimaicunata quillcarca.

SAN MATEO 26:55

Shinallatac Jesusca paita japiccunataca: —¿Shuhuacta shinachu espadacunahuan, caspicunahuan japingapac, shamunguichic? Punzhantami Diosta mañana huasipi yachachishpa cancunahuan carcani. Chaipica mana japircanguichicchu.

MARCOS 1:21

Chaimantaca Capernaúm puebloman chayashpami, samana punzhapi Jesusca israelcuna tandanacuna huasipi yachachi callarirca.

MARCOS 6:2

Jesusca samana punzha chayamucpimi, israelcuna tandanacuna huasipi yachachi callarirca. Pai yachachishcata uyaccuna mancharishpa, caishuc chaishuc tapunacushpaca: —¿Maipitac cai runaca caita yachacurcayari? ¿Ima shinatac caita yachacurca? ¿Pitac milagrocunata ruhuanata yachachirca?

MARCOS 10:2

Fariseocuna pandachingaraicu Jesuspacman cuchuyashpaca: —Mandashcacunapi nishca shinaca, ¿cusaca huarmimanta raquirinachu canga?— nishpa tapurca.

MARCOS 12:35

Diosta mañana huasipi Jesús yachachicushpaca: «Mandashcacunata yachachiccunaca, ¿ima nishpatac Cristotaca: “Mandac Davidpac aillupurami canga” nincuna?

MARCOS 14:49

Punzhantami cancunahuan Diosta mañana huasipica yachachicurcani. Chaipica mana japircanguichicchu. Ashtahuanpish Dios quillcachishcapi nishca pactachunmi, cashna japingapac shamushcanguichic— nirca.