MARCOS 1:41 - Dios Rimashcata Quillcashcami

⁴¹ Jesusca chai runata llaquishpami, maquihuan tuparishpaca: —Ari, alliyachisha ninimi, alliyai— nirca.

Nuevo Testamento en Quichua Cañar 1996

⁴¹ Shina nicpi Jesusca chai runata llaquishpami, maquihuan tuparishpaca: —Ari, alliyachisha ninimi, alliyai— nirca.

MARCOS 1:41 Referans Kwoze

SAN MATEO 9:36

Jesusca tauca gentecuna shitashca, michic illaclla ovejacuna shina, caita chaita puricucta ricushpami, yalli llaquirirca.

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

HEBREOS 2:17

Paica, ayudangapacca paipac huauquicuna shinami tucurca. Chashna ayudashpami jatun mandac cura tucushpa, llaquishpa tucui gentecunapac juchacunata anchuchirca. Chashnami Diosta tucuita cazushpa servirca.

MARCOS 6:34

Canoamanta Jesús llucshishpaca, achca gentecunatami ricurca. Paicuna michic illac ovejacuna shina cashcamantami Jesusca llaquirishpa, paicunaman tucuita yachachi callarirca.

HEBREOS 1:3

Diospac Churimi pai jatun cashcata ricuchicun. Paica Dios shinallatacmi can. Diospac Churica tucui ima tiyashcataca, paipac poderhuanmi mandacun. Paica ñucanchic juchacunata pichashpami, jahua pacha Dios mandacuc alli maquiman tiyarigrirca.

MARCOS 5:41

Huambrapac maquita japishpaca: —Talita, cumi— nirca. Chaica: “Huambra jatari, cantami nini” nisha ninmi.

MARCOS 4:39

Jesús jatarishpa, huairatapish cuchatapish rimashpaca: —¡Casilla cai!— nishpami, nircami. Shina nicpimi, huairapish, cuchapish casilla tucurca.

GÉNESIS 1:3

Chashna cacpimi Diosca: «Achic tiyachun» nirca. Shina nicpica, achic tucurcallami.

SALMOS 33:9

Pai rimacpimi tucui imapish ruhuarirca. Pai mandacpica maipi tiyarina pushtullapitacmi tucui imapish tiyarirca.

MARCOS 1:40

Lepra ungüihuan ungushca runa Jesuspacman cuchuyashpa, cungurishpaca: —Can ñucata alliyachisha nishpaca, alliyachinguimanllami— nishpa mañarca.

MARCOS 1:42

Rimarincami lepra ungüica chai runamanta anchurirca.