MARCOS 1:26 - Dios Rimashcata Quillcashcami

²⁶ Chai supaica chai runata munai chucchuchishpa, sinchita caparishpami llucshi rirca.

Nuevo Testamento en Quichua Cañar 1996

²⁶ Chashna rimacpica, chai supaica chai runata munai chucchuchishpa, sinchita caparichishpami llucshishpa rircalla.

MARCOS 1:26 Referans Kwoze

MARCOS 9:26

Chashna rimacpimi, supaica caparishpa, huambrata chucchuchishpa llucshirca. Huambraca huañushca shinami pambapi saquirirca. Chaita gentecuna ricushpaca: —Ña huañun— ninacurca.

MARCOS 9:20

Ña apamucpica, supai Jesusta ricushpaca, huambrata chucchuchishpami urmachirca. Huambraca shimiman puscuta shitashpami singurca.

SAN LUCAS 11:22

Ashtahuanpish paimanta ashtahuan sinchi runa shamushpaca, paita atishpa, macanacunatapish quichushpa, ima charishcacunatapish chaupinacunmanllami.

SAN LUCAS 9:42

Jesuspacman chai huambra cuchuyacucpica, cutinllatacmi supaica chucchuchishpa, pambaman urmachirca. Jesusca chai supaita sinchita rimashpami, llucchishpa cacharca. Chashnami alliyashca huambrata taitaman curca.

SAN LUCAS 9:39

Paitaca supai japishpami, yuyaita chingachishpa caparichicun. Shimiman puscuta shitachishpami, llaquinayaita punzhanta chucchuchicun.

MARCOS 1:25

Jesusca paitaca: —¡Upallai, paimanta llucshi!— nishpami, sinchita rimarca.

MARCOS 1:27

Chaimantami tucui gentecuna mancharinacushpa: “¿Caica imatac? ¿Mushuc yachachinatachu yachachicun? Millai supaita llucshi nicpica, cazushpa llucshinllami” nishpami tapunacurca.