MARCOS 1:24 - Dios Rimashcata Quillcashcami

²⁴ —Nazaret pueblomanta Jesús, ¿ñucanchictaca imatatac ruhuagringuiyari? ¿Canca llaquichingapacchu shamungui? Canca Dios cachashca Jucha Illacmi cangui. Canta ricsinimi— nirca.

Nuevo Testamento en Quichua Cañar 1996

²⁴ —Nazaret pueblomanta Jesús, ¿ñucanchictaca imatatac nic shamunguiyari? ¿Canca ñucanchictaca llaquichingapacchu shamungui? Ñucaca canta ricsinimi. Canca Taita Dios cachashca Jucha Illacmi cangui— nirca.

MARCOS 1:24 Referans Kwoze

SAN MATEO 8:29

Paicuna Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichi shamungui?— nishpa caparirca.

SANTIAGO 2:19

Canca shuclla Dios tiyashcatami cringui. Shina crishpaca, allitami ruhuangui. Supaicunapish crincunami, shinallatac manchaihuanmi chucchuncuna.

SAN LUCAS 4:34

caparishpaca: —Nazaret pueblomanta Jesús, ¿canca imatatac ñucanchictaca nic shamungui? ¿Llaquichingapacchu shamungui? ¡Ñucanchictaca saquilla! Ñucaca canta ricsinimi. Canca Dios cachashca Jucha Illacmi cangui— nirca.

HECHOS 3:14

Jucha illac, cashcata ruhuac Runata cacharichun ninapac randica, huañuchic runatami cacharichun nircanguichic.

APOCALIPSIS 3:7

Filadelfia pueblopi cac tandanacushca criccunata ricuc angelman quillcai: “Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca:

HECHOS 2:27

Dioslla, ñuca almataca ucu pachapi cachunpish, cambaclla cuerpo ismuchunpish mana saquinguichu.

SAN LUCAS 8:28

Chai runa Jesusta ricushpa, paipac ñaupapi cungurishpaca: —Jahua pacha Diospac Churi Jesús, ¿imatatac nic shamungui? ¡Ñucataca ama llaquichichu!— nishpa caparirca.

MARCOS 5:7

Cungurishpa, caparishpaca: —Jahua pacha Diospac Churi Jesús ¿imatatac nic shamunguiyari? ¡Diosmantami mañani, ñucata ama llaquichichu!— nirca.

SALMOS 16:10

Ñuca almata Seolpica mana saquinguichu. Cambaclla ñuca aichatapish mana ismuchun saquinguichu.

SAN JUAN 6:69

Ñucanchicca cantaca crishcanchicmi. Dios cachashca Jucha Illac cashcatapish yachanchicmi— nirca.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

HECHOS 24:5

Cai runaca millai ungüi shinami, tucuipi israelcunataca pandata yachachishpa, bullapi churashpa purin. Paica Nazaret pueblomanta Jesús yachachishcata caticcunata pushacmi.

HECHOS 4:27

Chashna nishca shinami, cai pueblota mandac Herodesca Poncio Pilatohuanpish, israelcunahuanpish, mana israelcunahuanpish jucha illac Jesusta llaquichingapac tandanacurca. Diosmi Jesustaca Cristo cachun cacharca.

SAN LUCAS 24:19

Shina nicpimi Jesusca: —¿Imatac tucushcayari?— nirca. Chashna nicpimi paicunaca: —Nazaret pueblomanta Jesusmantami parlanacucunchic. Paica Dios ima nishcata huillac, Diospac ñaupapipish, gentecunapac ñaupapipish allita yachachic, allita ruhuacmi carca.

SAN MATEO 2:23

Chaiman chayashpaca, ñaupa huillaccuna huillashca pactachunmi Nazaret pueblopi causangapac rirca. Chai huillaccunaca: “Paica nazareno nishcami canga” nishca carca.

SAN LUCAS 8:37

Chashna parlacpimi, tucui Gadara llactamanta shamuccunaca yallita manchaihuan carca. Chaimantami Jesustaca chaimanta richun nirca. Chashna nicpimi, Jesusca canoapi yaicushpa rirca.

ÉXODO 14:12

¿Manachu Egiptopi cashparac ñucanchicca: “Caipi servishpa causachun saquilla” nircanchic? ¡Cai shitashca pambapi huañunapac randica, Egiptopi servishpa causanami alli canman carca!— nirca.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

MARCOS 1:23

Chai tandanacuna huasipica, supai japishca runami tiyacurca. Chai runa caparishpaca:

MARCOS 1:25

Jesusca paitaca: —¡Upallai, paimanta llucshi!— nishpami, sinchita rimarca.

MARCOS 10:47

Nazaret pueblomanta Jesús cashcata uyashpami chai runaca: —Mandac Davidpac aillupuramanta Apunchic Jesús, ¡ñucataca llaquiyari!— nishpa, capari callarirca.

MARCOS 14:67

Pedro ninapi mashashpa tiyacucta chai huarmi alli ricushpaca: —Canpish Nazaret pueblomanta Jesus-huan puricmi cangui— nirca.

MARCOS 16:6

Ashtahuanpish chai mosoca: —Ama mancharichicchu. Cancunaca Nazaret pueblomanta cruzpi chacatashca Jesustami mashcacunguichic. Paica ña causarircami, mana caipichu. Maipi paita churashcapi ricuichic.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.