MALAQUÍAS 4:2 - Dios Rimashcata Quillcashcami

² Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

MALAQUÍAS 4:2 Referans Kwoze

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

SALMOS 84:11

Mandac Diosca ñucanchicta achicyachic inti, ñucanchicta jarcac escudomi. Mandac Diosca mana pandarishpa causaccunataca cuyashpami allipi churan.

ISAÍAS 30:26

Mandac Dios pai acllashcacunata huatachishpa jambicui punzhapica, quillaca inti shinami achicyachinga. Cutin intica canchis cutin yallitami achicyachinga.

SAN LUCAS 1:78

Ñucanchic Diosca, pai cuyashcamantami, tutamanta inti achicyamucuc shina, quishpirinata jahua pachamanta cachanga.

SAN JUAN 8:12

Cutinllatac Jesusca israelcunataca: —Ñucami tucui cai pachapi causaccunapac achicyachic luz cani. Maijanpish ñucata caticca mana amsapi puringachu, ashtahuanpish causaita cuc luztami charinga— nirca.

ISAÍAS 53:5

Paica, ñucanchic Diosta mana cazushcamantami chugrichishca carca. Ñucanchic juchacunamantami yallita llaquita aparca. Ñucanchic cushi causachunca paitami llaquichirca. Ñucanchicca paipac chugrimantami jambirishca canchic.

MALAQUÍAS 3:16

Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

APOCALIPSIS 22:16

Shinallatac Jesusca: —Ñucaca Jesusmi cani. Ñucami tucui tandanacushca criccunaman huillachun ñuca angelta cacharcani. Ñucami yura retoñac shina, Davidpac aillupuramanta shamushcaca cani. Ñucaca tutamanta llucshic jagan nicuc lucero shinami cani— nirca.

SAN JUAN 1:4

Paimantami causaica tiyarca. Chai causaimi gentecunapac Achicyachic carca.

2 SAMUEL 23:4

Tutamanta puyu illacpi, inti llucshishpa achicyachic shinami canga. Allpapi quihuata sumacta huiñachic, tamya shinami canga” nirca.

APOCALIPSIS 22:2

Chai pueblopi tiyac jatun ñan chaupita callpacuc yacu ishcai ladopimi, causaita cuc yuraca carca. Chai yuraca quillanta pucushpami, huatapica chunga ishcai cutin pucun. Shinallatac pangacunapish gentecunata jambingapac allimi can.

2 PEDRO 1:19

Chaita urcupi ricushcaca, Diosmanta ñaupa huillaccuna huillashca chashnatac cashcatami ricuchin. Chai huillaica tuta punzhayangacaman amsata achicyachic lámpara shina, shinallatac tutamanta achicyachic lucero llucshic shinami, cancunapac shungutaca achicyachicun. Chai huillaita cancuna alli uyashpaca, allimi ruhuanguichic.

RUT 2:12

¡Can chashna ruhuashcamantaca Mandac Dios imata japina cashcata cuchun! Can japina cashcataca israelcunata Mandac Dios tucuita cuchun. Canca paipac rigra ucupi miticungapacmi shamushcangui— nirca.

APOCALIPSIS 2:28

Shinallatac pacaringapac llucshic lucerotapish cushami.

SALMOS 147:3

Shungu paquirishcacunata allichicmi. Chugricunata jambishpa tapachicmi.

SALMOS 103:3

Paimi tucui can mana allita ruhuashcacunataca perdonan. Tucui nanaicunatapish paimi jambin.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

ISAÍAS 35:6

Suchupish taruga shinami saltanga. Mana rimai pudicpish sumactami cantanga. Shitashca pambapi allacpipish yacuca llucchingami. Chaquishca pambacunatami yacuca callpacunga.

HECHOS 26:18

Chaica, amsapi causaccuna ñahuita pascac shina achicman llucshichun, Satanás mandashca causaccuna, Dios mandashca causachunmi huillana cangui. Ñucata crishcamantami Diosca paicunapac juchacunata perdonanga. Paicunaca Dios paipaclla cachun acllashcacunaman cusha nishcatami chasquinga” nircami.

HECHOS 13:47

Mandac Diosca ñucanchicta mandashpaca: “Mana israelcunaman luz shina achicyachichunmi churarcani. Tucui cai pachapi causaccunapish can huillashcamanta quishpirichunmi, churarcani” nishcami— nircacuna.

SAN JUAN 9:4

Punzha tiyacpiracmi, ñucata Cachac Diospacta ruhuana canchic. Ña tutayacpica, pi imata mana ruhuai pudinchu.

OSEAS 6:3

Mandac Diosta mashcashpa, paimanta yachacushunchic. Paica tutamanta inti llucshishpa achicyachic shinami ñucanchicpacman shamunga. Punta tamya, quipa tamya allpapi urmac shinami ñucanchicpacman shamunga» nincuna.

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

EZEQUIEL 47:12

Cutin cai ishcai yacucuna patapica caishuc ladomanpish, chaishuc ladomanpish chican granocunata pucuc yuracunami huiñanga. Pangacunapish mana urmangachu, micunapish chai yuracunapica mana tucuringachu. Ashtahuanpish cada quillami mushuc granota pucunga. Chai yacucunaca Diospaclla huasimantami llucshicunga. Chaimantami chai yuracunapi granoca pucuna punzhacunallapitac pucunga. Granoca micungapac, pangacunaca jambiringapacmi alli canga.

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

ISAÍAS 9:2

Tutapi causaccunaca jatun luztami ricurca. Huañunalla llandupi causaccunataca luzmi achicyachirca.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

SALMOS 67:1

Dioslla, ñucanchicta llaquishpa bendiciaiyari. Cambac cuyaita ricuchishpa cushilla ñahuihuan ricuiyari.

APOCALIPSIS 11:18

Tucui llactacunapi causaccunami piñarishca. Can piñarishpa llaquichina punzhami chayamushca. Chai punzhaca huañushcacunata taripana, cambacta ruhuac can ima nishcata huillaccunaman, cambaclla caccunaman, cambac shutita alli niccunaman, jatunman cashpa, uchillaman cashpa japina cashcata cuna punzhami can. Shinallatac cai pachata llaquichiccunata tucuchina punzhami chayamushca» nircacuna.

1 JUAN 2:8

Shina cacpipish mushuc mandashcata quillcac shinallatacmi quillcani. Cai mandashca mana llulla cashcataca Jesucristomi ricuchirca, shinallatac cancunapish ricuchicunguichicmi. Imatapish cashcata ruhuac luz achicyachicucpimi, amsaca chingarishpa caticun.

2 PEDRO 3:18

Shina tucunapac randica, ñucanchic Quishpichic Apunchic Jesucristota ashtahuan ricsishpa, pai mai cuyac cashcata yachashpa, catichic. ¡Paica cunanpish, huiñai huiñaipacpish sumaimana alli nishca cachun! Chashna cachun.

2 TESALONICENSES 1:3

Cuyashca criccuna, cancunaca sinchi criccuna tucucushcamanta, caishuc chaishuc-huan cuyanacushpa causacushcamantami pagui nina cashca shinallatac Diostaca pagui nicunchiclla.

SAN JUAN 1:14

Chai Rimashca Shimillatacmi runa tucushpa, ñucanchic-huan causarca. Paica yallita cuyac, cashcata nicmi. Paica Diospac shuclla Churi cashpami, yalli poderyuc carca. Chashna cactami ricurcanchic.

SAN JUAN 1:8

Mana Juanchu achicyachicca carca, ashtahuanpish Achicyachicmanta huillangapacmi shamurca.

SAN LUCAS 2:32

Mana israelcunamanca, achicyachic luz shinami canga. Pai acllashca israelcunapacca mandacmi canga» nirca.

SAN LUCAS 1:50

Diosca paita manchaccunataca huahua huahuacaman llaquicungallami.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

JEREMÍAS 17:14

Mandac Dioslla, ñuca alli nina Diosmi cangui. Ñucata jambiyari. Can jambicpica, alli tucushatacmi. Quishpichiyari. Can quishpichicpica, quishpirishatacmi.

ISAÍAS 49:6

Paica: «Jacobopac aillucunata, maijan saquirishca israelcunata cutin allichishpa, ñucata servinaca ñucamanca ashallami. Ashtahuanpish ñuca tucui cai pachapi causaccunata quishpichichun, llactacunapi causaccunapac luz cachunmi cantaca acllarcani» ninmi.

HECHOS 13:26

Abrahammanta mirarishca huauquicunalla, Diosta manchac, mana israelcunapish cai quishpirinamanta huillashcaca cancunamanmi.

SAN JUAN 12:40

«Paicunapac ñahuita huichcarcami. Paicunapac shungutapish sinchiyachircami. Ñahuicunahuan ama ricuchun, paicunapac shungu ama yuyaita japichunmi cashna ruhuarca. Chaimantami ñucapacman mana cutimunga. Paicunataca mana alliyachishachu» nishcami.

SALMOS 61:5

Dioslla, canman imata ruhuasha nishcataca chasquishcanguimi. Canta manchaccunaman cuna cashcataca cushcanguimi.

JEREMÍAS 30:17

Canta: “Sionca shitashcami siricun. Pipish mana yuyarinchu” nicucpipish, ñucallatac jambita cachashpami, cambac chugritaca alliyachisha. Chaitaca Mandac Dios ñucami nini» ninmi.