MALAQUÍAS 3:16 - Dios Rimashcata Quillcashcami

¹⁶ Chaimantami Mandac Diosta manchaccunaca cada quiquin ricsishcacunaman parlarca. Chai parlashcataca Mandac Diosca tucuita uyashpami, paipac yuyarina libropi quillcarca. Mandac Diosta manchashpa causaccunapac, paipac shutita alli nishpa causaccunapac allipacmi chashna quillcarca.

MALAQUÍAS 3:16 Referans Kwoze

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac rina libropi quillcashcatapish pascashcatami ricurcani. Chai huañushcacunaca paicuna imata ruhuashca librocunapi quillcashca cashca shinami taripashca carca.

SALMOS 56:8

Canmi ñuca purishcatapish yupashca shina tucuita yachangui. Ñuca huiquitapish tandashpami charicungui. Tucuitami quillcashpa charicungui.

MALAQUÍAS 4:2

Ashtahuanpish ñuca shutita manchac cancunamanca cashcata ruhuac intimi llucshinga. Paipac alascunapimi quishpirinataca apamunga. Chaimantami becicuna chuchushca quipa saltashpa llucshic shina saltanguichic.

APOCALIPSIS 15:4

¡Mandac Dioslla! ¿Pitac cantaca mana manchangayari? ¿Pitac cantaca mana alli ningayari? Canllami jucha illac cangui. Chaimantami tucui llactacunapi causaccuna shamushpa, cantaca alli ningacuna. Can ruhuashcacunaca tucuimi alli ricurishca» nicurcacuna.

HEBREOS 10:24

Caishuc chaishuc cuyaihuan ayudanacungapac allita ruhuana yuyaita cushunchic.

1 TESALONICENSES 5:11

Chaimanta ima shinami cunan cancuna caticuc shinallatac, caishuc chaishuc-huan alli catina yuyaita cunacushpa, ayudanacushpa causaichic.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

ISAÍAS 26:3

Mandac Dioslla, canta mana cungarishpa can yuyailla causaccunata cuidangui. Cushi causaita cunguiyari. Paicunata canpi shunguta churashpami causan.

HECHOS 10:2

Paica Dios yuyaillami causac carca. Chaimantami tucui familiahuan Diosta manchashpa, mañashpa, israelcunapurapi huacchacunaman cullquita cushpa causac carca.

EZEQUIEL 9:4

Mandac Diosca chai runataca: «Jerusalén chaupita rishpa, millaita ruhuashcamanta llaquirishpa, caparishpa huacacuccunapac frentepi shuc señalta churai» nirca.

SALMOS 34:15

Mandac Diosca cashcata ruhuaccunataca paipac ñahuihuanmi ricuracun. Paicuna caparishpa mañashcatapish uyaracunmi.

EFESIOS 5:19

Salmocunatapish, Diospac Espíritu yuyachishca sumac cantocunatapish caishuc chaishuc parlanacuichic. Apunchic Jesucristota tucui shunguhuan “allimari cangui” nishpa cantaichic.

HECHOS 1:13

Jerusalenman chayashpaca, paicuna pozacushca huasi altomanmi huichicurca. Chaipimi Pedropish, Jacobopish, Juanpish, Andrespish, Felipepish, Tomaspish, Bartolomepish, Mateopish, Alfeopac churi Jacobopish, Celote nishca Simonpish, Jacobopac huauqui Judaspish carca.

DANIEL 7:10

Paipac ñaupamantaca yacu shinami nina llucshicurca. Paipac ñaupapica huaranga huarangacunami servicurca. Maita mana yupaipacmi paipac ñaupapi shayacurca. Juezcuna tiyaricpica, librotami pascarca.

SAN LUCAS 2:38

Chai huarmi, chai horasllatac shamushpami, chai huahuamanta Jerusalén llactata Quishpichicta shuyaccunaman parlai callarirca.

ESTER 6:1

Chai tutami jatun mandacca sueño pitiricpi mana sueñui pudirca. Chaimantami jatun mandac imata ruhuashcacunata yuyaringapac quillcashcata apamushpa, paipac ñaupapi rezachun mandarca.

HECHOS 2:1

Pentecostés punzha chayamucpica, tucui criccunami shuc shinalla tandanacushca carcacuna.

ISAÍAS 65:6

Paicuna ruhuashcaca ñuca ñaupapimi quillcashca tiyacun. Mana upalla saquishachu. Ashtahuanpish paicuna imata ruhuashca shinami,

ISAÍAS 50:10

Cancunapuramantaca, ¿pitac Mandac Diosta manchashpa, paita servic huillashcatapish uyaccuna canguichic? Luz illac cashcamanta amsa purapi puricushpaca Mandac Diospac shutipi shunguta churaichic. Paipac maquipi chariraichic.

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

PROVERBIOS 13:20

Yachaisapa runacunahuan tandanacucca yachaisapami tucunga. Ashtahuanpish yuyai illac runacunahuan tandanacucca paipish yuyai illacmi tucun.

SALMOS 147:11

Mandac Diosca paita manchaccunahuan shinallatac pai llaquichun shuyaccunahuanmi cushicun.

SALMOS 139:4

Mandac Dioslla, canca ñuca imata rimangapac manarac shimita cuyuchicpimi, tucuita yachangui.

SALMOS 119:63

Ñucaca tucui canta manchaccunahuan, can mandashcacunata cazuccunahuanmi apanacuni.

SALMOS 111:10

Yallita yachac cangapacca Mandac Diostaracmi manchana can. Tucui pai mandashcacunata ruhuashpa causaccunami alli yuyaita charin. Diosca huiñaita jatunyachishca cachun.

SALMOS 94:19

Ñuca caita chaita yuyashpa musparicucpica, canmi ñuca almata cushichic carcangui.

SALMOS 66:16

Diosta tucui manchaccuna, Dios ñucaman imalla allicunata ruhuashcatami huillagrini. Chaita uyangapac shamuichic.

SALMOS 33:18

Ashtahuanpish Mandac Diospac ñahuica paita manchaccunata, pai llaquichun nishpa shuyacuccunatami ricucun.

SALMOS 20:7

Shuctac gentecunaca carretacunapi, caishuccunaca caballocunapimi shunguta churancuna. Ashtahuanpish ñucanchicca, ñucanchicta Mandac Diospimi shunguta churanchic.

SALMOS 16:3

Cai pachapi cambac caccunahuan, ima pandata mana ruhuaccunahuanmi yallita cushicuni» nircami.

SALMOS 10:4

Millaita ruhuacca ñahui shuctacyashpa jatun tucushpami Diostaca mana mashcan. Paica Dios mana tiyashcatami yuyan.

JOB 28:28

Chaimantami runataca: “Alli yachaica Mandac Diosta manchanami. Alli yuyaica millaimanta anchurinami” ninmi» nirca.

ESTER 2:23

Chaita huillacpimi, jatun mandacca paita ciertotac huañuchisha nicushcata alli tapurca. Chai quipaca huañuchisha nicushca chashnatac cacpimi, chai ishcai eunuco runacunataca sipishpa huañuchirca. Chashna tucushcataca jatun mandac imata ruhuashcata quillcashca libropimi quillcashca saquirirca.

2 CRÓNICAS 6:7

Shina nicpimi, ñuca taita Davidca israelcunata Mandac Diospac shutipi mañana huasita ruhuanataca paipac shungupi yuyarishca carca.

1 REYES 18:12

Ñuca canmanta anchurishca quipaca, Mandac Diospac Espiritumi cantaca ñuca mana yachai pudishcaman apanga. Can caipi cashcata Acabman ñuca huillacpi, canta mana tarishpaca, ñucatami huañuchinga. Canta servic ñucaca huambramanta pachami Mandac Diosta manchashpa causani.

2 SAMUEL 7:1

Jatun mandac David paipac mandanapi causacucpica, Mandac Diosmi tucui muyundi piñaccunamanta huacaichishpa samachirca.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

HEBREOS 3:13

Chaipac randica, cunan punzha tiyacpirac caishuc chaishuc yuyachinacushpa, cancunapac shungu rumiyashpa juchapi pandarichun ama saquinguichicchu.

1 TESALONICENSES 5:14

Shinallatac cuyashca criccuna, chai quilla runacunatapish rimaichic, llaquilla caccunataca cushichichic, manarac sinchi criccunatapish yachachichic. Shinallatac tucuihuan sumacta caichic.

SALMOS 104:33

Ñuca causaipica Mandac Diostami cantasha. Ñuca causacushcacamanca Diostami salmocunahuan cantasha.

1 REYES 18:3

Chaimantami Acabca paipac mandana huasipi ricuchun churashca Abdiasta cayarca. Abdiasca Mandac Diosta manchac runami carca.

GÉNESIS 22:12

Shina nicpimi angelca: —Huambrapac jahuapica ama maquita churaichu, ama imata ruhuaichu. Diosta manchashpa, cambac cuyashca shuclla churita mañacpi, mana misashcataca ña yachanimi— nirca.

ÉXODO 32:32

Paicunapac juchata perdonachunmi mañac shamuni. Can mana perdonasha nishpaca, ñuca shutita cambac quillcashca libromanta anchuchingui— nirca.

ISAÍAS 4:3

Shinallatac Sionpi, Jerusalenpi saquirishcacunaca Diospaclla chicanyachishca nishcami canga. Jerusalenpi saquirishcacunapac shutita quillcashcami canga.

JEREMÍAS 8:6

Ñucaca tucuitami alli uyarcani. Allita rimacca mana tiyanchu. Pipish llaquirishpa: “¿Imamantatac ruhuarcaniyari?” nicca mana tiyanchu. Tucui paicunami macanacuiman caballocuna callpac ric shina cada quiquin rincuna.

JEREMÍAS 31:18

Efraín llactataca: “Canmi ñucata macashpa llaquichircangui. Piña huagrata shinami llaquichichun cacharcangui. Cambacman ñucaca cutisha ninimi. Canmi ñuca Mandac Dios cangui.

DANIEL 12:1

Chai punzhacunaca cambac llactapi causaccunata ayudangapacca mandac Miguelmi shamunga. Chai punzhacunapica cai jatun llactacuna callarishcamanta pacha jaicapi mana tiyashca jatun llaquicunami tiyanga. Shina cacpipish, chai punzhacunapica tucui shuticunata libropi quillcachishca cambac llactamanta caccunaca quishpiringami.

NEHEMÍAS 1:11

Mandac Dioslla, cantaca yallitami mañani. Canta servic ñuca mañashcatapish, cambac shutita alli ninata munac canta serviccuna mañashcatapish cambac ringrihuan uyaiyari. Canta servic ñuca alli llucshichun, chai runapac ñaupapipish alli ricurichun ayudaiyari» nishpami mañarcani. Ñucaca jatun mandacman copa vinota servicmi carcani.

SALMOS 56:9

Ñuca canta mañai punzhaca ñucata piñaccunaca cutishpa callpangacunami. Dios ñuca ladopi cashcataca yachanitacmi.

SALMOS 115:13

Mandac Diosta manchaccunataca jatuncunatapish, uchillacunatapish bendiciangami.