MALAQUÍAS 3:14 - Dios Rimashcata Quillcashcami

¹⁴ Shinallatac: “Yangami Diostaca servishpa causanchic. Pai mandashcacunata pactachishpa, pai tucuita Mandac Diospac ñaupapi llaquilla purishpaca, ¿ima allitatac japinchic?

MALAQUÍAS 3:14 Referans Kwoze

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

SOFONÍAS 1:12

Jerusalenpi causaccuna imata ruhuashcataca luzta japichishpami alli ricusha. Mana cuyuric sanguyashca vino shina, cushilla causac runacunataca llaquichishami. Paicunapac shungupica: “Mandac Diosca ima allitapish, mana allitapish mana ruhuangachu” nincunami.

JOB 35:3

Ashtahuanpish canca: “¿Ñuca mana juchallishpaca imatatac japishayari?” nircanguimi.

JOEL 2:12

Mandac Diosca: «Cunanca ayunashpa, huacashpa, yallita llaquirishpa, tucui shunguhuan ñucapacman cutirichic» ninmi.

JOB 34:9

Chashna cashpami paica: “Runaca Diospac munaita ruhuashpaca, ima allita mana japinchu” nirca.

SANTIAGO 4:9

¡Chaimanta llaquirichic, nanarichic shinallatac huacaichic. Asinapac randica huacaichic! ¡Cushicunapac randica llaquirichic!

JOB 22:17

Paicunaca Diostaca: “Ñucanchicmanta anchuri” nicmi carca. Tucuita ruhuac Diosca ñucanchicmantaca, ¿Imatatac ruhuai pudinga? nircami.

ISAÍAS 43:22

Jacobopac huahuacunalla, chashna cacpipish, ñucata mana mañashpami causarcanguichic. Israelcunalla, ñucapaclla causanataca amirircanguichicmi.

JEREMÍAS 2:25

Lluchu chaquilla purinamantapish, yacunayaihuan cunga chaquishpa purinamantapish cuidaringui nicpica canca: “Mana, mana saqui pudinichu. Ñucaca shuccunatami cuyani. Paicunatami catisha” nircanguimi.

JEREMÍAS 18:12

Ashtahuanpish paicunaca: “Ñucanchic dioscunatami catishun. Quiquin munashcatami ruhuashun. Ñucanchic shungu yuyashcatami ruhuashun. Ñucanchictaca mana jarcai pudinguichu, yangallami rimacungui” ningami» nirca.

OSEAS 7:16

Paicuna cutirishpapish mana jahua pachapi causac Diospacman cutirircachu. Ashtahuanpish espadata mana alli shitac shinami llullarca. Jatun tucushpa, mana allita rimashcamantami mandaccunapish espadapi huañurca. Chashna millai cashcamantami, Egipto llactapi causaccunaca burlashpa asingacuna» ninmi.

MALAQUÍAS 3:13

Cancunaca yallita mana alli nishpami, ñucataca rimarcanguichic. Shina rimashpapish: “¿Ima mana allitatac cantaca rimarcanchic?” ninguichicmi.

JEREMÍAS 44:18

Ashtahuanpish jahua pachata mandac huarmi diosman inciensota rupachinata, vinota cushpa tallinata saquishca punzhamanta pachami imapish illac canchic, shinallatac jatun macanacuipi yarcaihuan huañucunchic» nirca.