MALAQUÍAS 3:12 - Dios Rimashcata Quillcashcami

¹² Chashna ruhuacpi, sumac llacta cacpimi, tucui llactapi causaccunaca: “Cushillami paicunaca causacun ningacuna” ninmi. Chaitaca tucuita Mandac Dios ñucami nini.

MALAQUÍAS 3:12 Referans Kwoze

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

ISAÍAS 61:9

Paicunapac huahua huahuacunapish, retoñac shina llucshishca huahuacunapish llactacunapac ricsiscami canga. Paicunata ricuccunaca “Mandac Dios ñuca bendiciashca huahua huahuacunami” ningacunami» ninmi.

ISAÍAS 62:4

Jaicapi mana “Shitashca llacta” ningachu. Llactatapish mana “Llaquinayaita shitashca llacta” ningachu. Ashtahuanpish Dios munashcami cangui. Cambac llactapish Dios-huan cazarashca huarmi nishcami cangui. Mandac Diospac cuyaica canhuanmi canga. Llactaca paihuan cazarashca shinami canga.

SAN LUCAS 1:48

Diosca huaccha servic huarmitami acllashca. Cunanmanta pachami huahua huahuacuna ñucataca ‘allimari cangui’ nicunga.

DANIEL 11:41

Chashnami sumac llactacunaman yaicushpa, tauca llactacunata japinga. Ashtahuanpish Edom, Moab, Amón llactapi causaccunallami saquiringa.

DANIEL 8:9

Chai gachucunapuramanta shuc gachupica shuc huahua gachumi ura ladomanpish, inti llucshina ladomanpish, sumaimana allpa ladomanpish huiñarca.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

SALMOS 72:17

Jatun mandacpac shutica huiñaitami causanga. Inti tiyashcacaman paipac shutica alli nishcami canga. Paimantami tucui shuctac llactapi causaccunaca bendiciashca canga. Paicunaca yallita cushicushpami alli ningacuna.

2 CRÓNICAS 32:23

Achca gentecunami Mandac Diosman cungapac ofrendata Jerusalenman apamuccuna carca. Shinallatac Judá llactata jatun mandac Ezequiasmanpish sumac convidanacunatami apamurcacuna. Chai quipaca Ezequiasca tucui shuctac llactacunapi causaccunapac ñaupapimi yallita jatunyachishca carca.

DEUTERONOMIO 11:12

Chai llactataca Mandac Diosmi cuidacun. Mandac Diosca huata callarimanta, huata tucuringacamanmi cuidacunlla.

MALAQUÍAS 3:13

Cancunaca yallita mana alli nishpami, ñucataca rimarcanguichic. Shina rimashpapish: “¿Ima mana allitatac cantaca rimarcanchic?” ninguichicmi.

ISAÍAS 62:5

Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.