MALAQUÍAS 2:15 - Dios Rimashcata Quillcashcami

¹⁵ ¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

MALAQUÍAS 2:15 Referans Kwoze

MALAQUÍAS 2:14

Ashtahuanpish cancunaca: «¿Imamantatac mana chasquin?» ninguichicmi. Cancunallatacmi huambrarac cashpaca, cazarashca cashpapish huarmita shitarcanguichic. Chaitami Mandac Diosca ricurca. Chai huarmica canhuan cazarashpa ari nishcami carca.

2 CORINTIOS 6:18

Ñucaca cancunapac Taitami casha, Cancunaca ñuca churicuna, ñuca ushicunami canguichic» ninmi.

1 CORINTIOS 7:14

Cusaca huarmi cric cashcamantami Diospaclla tucunga. Mana cric huarmipish, cusa cric cashcamantami Diospaclla tucunga. Mana shina cacpica, paicunapac huahuacunaca mana cricpac huahuacuna shinami canman. Paicunaca Diospaclla causaccunapurami tucushcacuna.

GÉNESIS 1:27

Diosca pai shinatami runataca ruhuarca. Chashnami caritapish, huarmitapish ruhuarca.

TITO 1:6

Criccunata pushacca pipish mana juchanchishca, shuc huarmillahuan causacmi cana can. Paipac huahuacunapish Apunchic Jesucristota cric, shinallatac imalayapish purishcamanta, mana cazushcamantapish pi mana juchanchishcami cana can.

OSEAS 1:10

Ashtahuanpish israelcunaca mama cuchapi tiyac tiyu shinami, pipish maita mana yupaipac cangacuna. Maipimi cancunata: «Cancunaca mana ñuca acllashcacunachu canguichic» nishca pamballapitacmi: «Huiñaita causac Mandac Diospac huahuacunami canguichic» ningacuna.

JOB 27:3

¡Ñucapi causaita cuc samaipish, Diospac samaipish tiyashcacamanca,

EFESIOS 6:4

Shinallatac taita mamacunapish, cancunapac huahuacunata ama piñachichicchu. Chaipac randica allita ruhuana cashcata rimashpa Diospac shimita yachachichic.

SAN MATEO 15:19

Shungumantami millai yuyaicuna llucshin. Chaimantami huañuchincuna, huainayancuna, ima millaita ruhuancuna, shuhuancuna, llullancuna, millaita rimancuna.

JEREMÍAS 2:21

Ñucaca cantaca alli acllashca uvas muyuta shinami tarpurcani. ¿Ima nishpatac sacha uvas shina tucurcangui?

PROVERBIOS 7:25

Chai huarmi purina ñantaca, ama purinata yuyanguichu. Chai ñanta rishpa ama pandaringuichu.

PROVERBIOS 6:25

Chai huarmi sumac cacpipish, ama shungupi munanguichu. Paipac sumac ñahuihuan cambac shunguta shuhuachunpish ama saquinguichu.

DEUTERONOMIO 7:4

Cancunapac churicunaca ñucata catinata saquishpami shuctac dioscunata servi callaringa. Chashna cacpica, Mandac Dios cancunahuan nina japiric shina piñarishpami utca tucuchinga.

GÉNESIS 6:2

Diospac churicunaca chai ushicuna sumaimana cashcata ricushpami, chai huarmicunapuramanta acllashpa cazararca.

1 CORINTIOS 7:2

Shina cacpipish, huainayana yalli tiyashcamantaca, caripish quiquin huarmita, huarmipish quiquin cusata charinami can.

HECHOS 3:25

Cancunaca Dios ima nishcata huillaccunata huillachishcatapish, ñaupa taitacunahuan Dios ari nishcatapish chasquiccunami canguichic. Dios Abrahamhuan ari nishpaca: “Cambac huahua huahuacunamantami tucui cai pachapi causaccunaca bendiciashca canga” nishcami.

SAN JUAN 20:22

Chashna nishpa paicunata pucushpami: —Diospac Espirituta chasquichic.

ECLESIASTÉS 12:7

Cashna tucucpica allpamanta ruhuashca cuerpoca allpallamantacmi cutinga. Cutin almaca paita ruhuac Diospacmanmi cutinga.

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

NEHEMÍAS 13:24

Paicunapac huahuacunamanta chaupica Asdod rimaita, mana cashpaca shuctac rimaitami rimac carca. Judá rimaitaca mana yacharcachu.

ESDRAS 9:4

Prezushcamanta cutimushca gentecuna mana cazushcamantami israelcunapac Dios huillachishca shimicunata manchaccunaca tucui mashna ñucahuan tandanacungapac shamurca. Ashtahuanpish ñucaca chishita animalta Diosman cushpa rupachina horascamanmi yallita llaquirishpa tiyacurcani.

GÉNESIS 27:46

Chai quipami Rebecaca Isaactaca: —Ñucaca heteocunapac ushicunahuanca mana allichu causani. Jacobo cai llactapi causac Hetpac ushicunahuan cazaracpica, ¿imapactac causacusha?— nirca.

GÉNESIS 24:44

Shina nicpi, paica: “Caica, ubiailla, cambac camellocunamanpish yacuta llucchishpa, ubiachisha” nicmi can acllashca, ñuca amopac churipac huarmica canga nicurcanimi.

GÉNESIS 2:7

Chaimantami Mandac Diosca ñuto allpamanta runata ruhuashpa, singapi causaita cuc samaita pucurca. Chaimantami runaca causaiyuc carca.

ÉXODO 20:14

Ama huainayangui.

LEVÍTICO 20:10

Maijan shucpac huarmihuan huainayacpica, caritapish, huarmitapish huañuchishcami canga.

RUT 4:12

Cambac huasipi cai huarmi charishca huahuacunataca Mandac Dios Fares runapac huasi familiapi shina achcata mirachichun. Faresca Tamar huarmipi charishca Judapac huahuami can— nirca.

1 SAMUEL 2:20

Shina shamucpimi Elcanatapish, paipac huarmitapish, Elica: «Mandac Diosta mañacpi carashca cai huahuapac randica Mandac Diosllatac canmanca ashtahuan huahuacunata cuchun» nishpami bendiciarca. Quipaca paicunapac huasiman cuticllami carcacuna.

PROVERBIOS 2:17

Chai huarmica huambrarac cashpa charishca cusata shitashpami, Dios-huan ari nishcata cungarin.