MALAQUÍAS 2:14 - Dios Rimashcata Quillcashcami

¹⁴ Ashtahuanpish cancunaca: «¿Imamantatac mana chasquin?» ninguichicmi. Cancunallatacmi huambrarac cashpaca, cazarashca cashpapish huarmita shitarcanguichic. Chaitami Mandac Diosca ricurca. Chai huarmica canhuan cazarashpa ari nishcami carca.

MALAQUÍAS 2:14 Referans Kwoze

MALAQUÍAS 2:15

¿Manachu Mandac Diosca caritapish, huarmitapish cuerpondi, espiritundi shuclla shinata ruhuarca? ¿Imapactac chashna ruhuarca? ¡Paica, cancunapac huahua huahuacunapish, paipaclla cachunmi chashna ruhuarca! Chaimanta cancunapac yuyaita cuidarichic, ama cancunapac huarmita shitaichicchu.

ISAÍAS 54:6

Diosca cantaca cusa shitashca llaquilla causac, huambrarac huarmi cacpi, cusa shitashca huarmita shinatami cayashcami.

ECLESIASTÉS 9:9

Inti achicyachicuc cai pachapi causachun Dios cushca tucui cambac yanga causaipi, cambac cuyashca huarmihuan cushicui. Cai pachapi trabajashcamantaca chashnami cushicuna cangui.

GÉNESIS 31:50

Ñuca ushicunata can llaquichicpipish, cazarashca jahua shuc-huan cazaracpipish, pi mana ricunchu. Chashna cacpipish, Mandac Diosca ñucanchic ishcaitatacmi ricucun— nirca.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.

JEREMÍAS 42:5

Shina nicpimi, paicunaca Jeremiastaca: —Mandac Dios tucui canman nishcatami ruhuashun. Ñucanchic nishca shinatac mana ruhuacpica, cashcata nic, imatapish pactachic Mandac Diosllatac ricuchun.

JEREMÍAS 8:12

¿Millai juchata ruhuashcamantaca pingancunachu? ¡Paicunaca mana pinganchu! ¡Ima shina pinganatapish mana yachancunachu! Chaimantami ñuca llaquichicpica, paicunaca llaquipi urmaccunahuan pacta llaquipi urmanga. Mandac Dios ñucami chashna nini» nirca.

PROVERBIOS 2:17

Chai huarmica huambrarac cashpa charishca cusata shitashpami, Dios-huan ari nishcata cungarin.

MIQUEAS 1:2

¡Tucui caipi causaccuna uyaichic! Cai pachapish, tucui caipi ima tiyacpish alli uyaichic. Mandac Dios cancunata llaquichinataca, paipac huasimanta ricuchun.

EZEQUIEL 16:8

Cutinllatac cambac ladota pasacushpami, cantaca ña cuyanalla huarmi cashcata ricurcani. Ñuca churanahuanmi cambac lluchulla cuerpota tapachircani. Chashna ruhuashpami, canhuanca ari ninacurcani. Canca ñucapacllami tucurcangui. Chaitaca Mandac Dios ñucami nini.

PROVERBIOS 30:20

Huainayac huarmica micushpa, shimita picharishpaca: «Ima mana allita mana ruhuashcanichu» ninmi.

CANTARES 1:15

¡Ñuca cuyashcalla, canca yallita sumacmi cangui! Canca yallita sumaimanami cangui. Cambac ñahuicunaca ishcai palomacuna shinami.

1 SAMUEL 12:5

Shina nicpimi Samuelca: —Cunanca Mandac Diospish, paillatac churashca jatun mandacpish ricucunmi. Ñucataca imata juchanchinata mana charinguichicchu— nirca. Shina nicpimi paicunaca: —¡Ari, chashnami can!— nirca.

GÉNESIS 2:18

Chai quipaca Mandac Diosca: «Carica pailla causanaca mana allichu. Chaimanta paipac allipac shuc ayudacta ruhuasha» nirca.

ISAÍAS 58:3

Paicunaca: “¿Ima nishpatac ñucanchic ayunashpa llaquiricuctaca mana ricungui? ¿Ima nishpatac ñucanchic tucui shunguhuan llaquirishpa mañacpipish, mana ricungui?” nincunami. Ayunashpa mañana punzhapica cancunapac shungu munashcata ruhuashpami, cancunapac trabajaccunatapish llaquichinguichic.

JUECES 11:10

Shina nicpimi, Galaad llactata pushac yuyaccunaca: —Ari, can nishca shinatac ñucanchic mana ruhuacpica Mandac Diosllatac ricuchun— nirca.

MALAQUÍAS 3:8

¿Runaca, Diospacta shuhuanchu? ¡Cancunaca ñucapac cashcata shuhuashcanguichicmari! Shina shuhuashpapish: “¿Imatatac shuhuarcanchic?” ninguichicmi. ¡Cancunaca chungamanta shucta cunata mana cushpami shuhuanguichic!

JEREMÍAS 9:2

¡Ñuca llactapi causaccunamanta caruyashpa, shitashca pambata ricucpi, ñucaman pozanata cushpachari alli canman! Paicunaca huainayaccunami, tandanacushpa millaita ruhuaccunami.

PROVERBIOS 5:20

Ñuca huahualla, ¿ima nishpatac shucpac huarmitaca cuyangui? ¿Ima nishpatac shucpac huarmipac chuchucunapi ucllaringui?

JEREMÍAS 29:23

Paicunaca israelcunapurapica huainayashapami yalli mana allita ruhuarca. Manapish ñuca huillachun cachacpimi, llullashpa ñuca shutipi huillarca. Chaitaca tucuimi yachani, ñucami chaitaca ricurcani. Chaitaca Mandac Dios ñucami nini» ninmi nirca.