MALAQUÍAS 2:11 - Dios Rimashcata Quillcashcami

¹¹ Judá llactapipish, Israel llactapipish, Jerusalenpipish mana cazushpami, millana juchacunata ruhuarca. Judá llactapi causaccunaca Mandac Dios cuyashca paipaclla huasita yangapi churashpa, mana ricsishca dioscunata mañac huarmicunahuanmi cazararca.

MALAQUÍAS 2:11 Referans Kwoze

APOCALIPSIS 21:8

Ashtahuanpish manchaccunaca, mana criccunaca, millaicunaca, huañuchiccunaca, huainayaccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapimi shitashca canga. Chaica quipa huañuimi can» nirca.

OSEAS 6:7

Ashtahuanpish paicunaca Adán shinallatacmi ari nishcata mana pactachirca. Chashnami ñucata mana cazurca.

EZEQUIEL 22:11

Maijancunaca shucpac huarmihuanmi huainayan. Quiquin nuerahuan, quiquin panillahuan sueñushpami pingana juchata ruhuan.

EZEQUIEL 18:13

cullquita mañachishpapish interesta japic runaca, ¿causangachu? ¡Paica mana causangachu! Cai tucui millaita ruhuashcamantaca huañungatacmi. Chashnami paipac juchamanta huañunga.

JEREMÍAS 7:10

Cancunaca, ¿chashna causacushca jahuachu ñuca shutipi mañana huasiman shamushpa, ashtahuan millaicunata ruhuashpa: ‘Ñucanchicca quishpirishcami canchic’ ninguichic?

JEREMÍAS 2:3

Israelcunaca ñucapaclla chicanyachishca punta pucushca grano shinami carca. Paicunata tucuchiccunataca yallitami llaquichic carcani” ninmi ningui» nirca.

SALMOS 106:28

Paicunaca Baal-peor yanga diosta caticcunahuan tandanacushpami, huañushcacunaman rupachishpa cushca animal aichata micurcacuna.

ESDRAS 10:2

Shina huacacucpimi, Elampac huahua huahuapuramanta Yehielpac churi Secaniasca Esdrastaca: «Ñucanchicca shuctac llacta huarmicunahuan cazarashpami, ñucanchic Diosta mana cazushpa juchata ruhuashcanchic. Chashna cashpapish israelcunapica alli tucuna yuyai tiyanracmi.

ESDRAS 9:12

Chaimanta cunanca, cancunapac ushicunata paicunapac churicunahuan, paicunapac ushicunata cancunapac churicunahuan ama cazarachinguichicchu. Cancuna chai llactapi pucushca micunacunata micushpa sinchita causangapac, allpacunatapish cancunapac huahua huahuacunaman tucui causaipi saquingapacca paicunaman alli tucushpa causanata, paicunapac ima allitapish ama ruhuanguichicchu” nircanguimi.

JUECES 3:6

Chashna causashpami, israelcunaca paicunapac ushicunahuan cazararca. Shinallatac israelcunapac ushicunapish chai gentecunahuan cazarashpa, paicunapac diosta adorarcacuna.

DEUTERONOMIO 14:2

Cancunaca, Mandac Diospac acllashca, jucha illac gentecunami canguichic. Mandac Diosca chican gente cachunmi tucui cai pachapi causaccunamanta acllarca.

LEVÍTICO 20:26

Ñucaca cancunata Mandac jucha illac Diosmi cani. Chaimanta cancunapish, jucha illac caichic. Cancunataca ñucapaclla cachunmi shuctac llacta gentecunamanta chicanyachircani.

MALAQUÍAS 1:1

Cai rimaicunaca Mandac Dios israelcuna llaqui tucunamanta Malaquiasman huillachishcami.

JEREMÍAS 3:10

Tucui chaicunata ruhuashca jahuapish Israelpac ñaña mana cazuc Judaca mana ñucapacman cutircachu. Ashtahuanpish jahua shungullami cutic tucurca. Chaitaca Mandac Dios ñucami nini» nirca.