MALAQUÍAS 1:6 - Dios Rimashcata Quillcashcami

⁶ Churica taitata cazunmi. Servicpish amota manchanmi. Ñuca cancunapac Taita cacpica, ¿ima nishpatac mana cazunguichic? Ñuca cancunapac amo cacpica, ¿ima nishpatac mana manchanguichic? Ñuca shutita yangapi churac curacunalla, cancunaca: “¿Ima shinatac cambac shutitaca yangapi churanchicyari?” ninguichicmi. Chaitaca Mandac Dios ñucami nini.

MALAQUÍAS 1:6 Referans Kwoze

SAN LUCAS 6:46

Cancunaca, ¿ima nishpatac Apunchic Jesús, Apunchic Jesús nicushpapish, mandashcataca mana pactachinguichic?

ISAÍAS 1:2

Jahua pachapish, cai pachapish uyaichic. Mandac Dios ñucaca: «Cai huahuacunataca ñucami huiñachishpa jatunyachircani. Ashtahuanpish paicunaca ñucata piñashpami, mana cazurca.

ÉXODO 20:12

Mandac Dios ñuca cushca llactapi unai huatata causangapac cambac taita mamata cazungui.

1 PEDRO 1:17

Cancunaca shucllaman mana tucushpa imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

OSEAS 12:8

Chaimantami Efraín ailluca: «Ñucanchicca yallita japishpami yallita chayucyashcanchic. Pipish ñucanchictaca mana juchanchingachu. Ñucanchicca ima mana allita mana ruhuashcanchicchu» ninmi.

ISAÍAS 64:8

Mandac Dioslla, cunanca canmi ñucanchic Taita cangui. Ñucanchicca allpa turullami canchic. Canmi ñucanchictaca ruhuarcangui. Ñucanchicca can ruhuashcami canchic.

EFESIOS 6:2

Callari mandashcapi cushami nishcaca: «Cambac taita mamata cuyangui.

PROVERBIOS 30:17

Taitata burlashpa asic churica mama yachachishcatapish yangapimi churan. Chai churipac ñahuitaca yacu huaicupi causac angacuna surcuchun. Jatun angapac huahuacuna micuchun.

SAN MATEO 7:21

Mana tucui ‘Apunchic Jesús, Apunchic Jesús’ niccunachu jahua pacha Dios mandacucmanca yaicunga, ashtahuanpish jahua pacha cac ñuca Taita munashcata ruhuaccunallami yaicunga.

SAN MATEO 6:9

Cancuna mañashpaca: “Jahua pacha ñucanchic Taitalla, cambac shutitaca, tucuilla alli nishca cachun.

PROVERBIOS 30:11

Maijan huahua huahuacunaca paicunapac taitata maldiciashpa, paicunapac mamata mana bendicianchu.

DEUTERONOMIO 5:16

Mandac Dios ñuca cushca llactapi unaita causangapac, chaipi alli causangapacca canta Mandac Dios ñuca mandashca shina cambac taita mamata cuyangui.

LEVÍTICO 19:3

Cancunapac taita mamata cazunguichic. Samana punzhatapish huacaichinguichic. Ñucami cancunata Mandac Diosca cani.

MARCOS 10:19

Mandashcacunataca canllatac yachanguimi. Chaipica: “Ama huainayangui, ama huañuchingui, ama shuhuangui, ama llullangui, ama umangui, cambac taita mamata cuyangui” nicunmi— nirca.

SAN MATEO 19:19

taita mamata cuyangui. Can ima shinami cuyaringui, chashnallatac shuccunatapish cuyangui— nirca.

OSEAS 4:6

Ñuca acllashcacunaca mana yachashcamantami chingaringa. Cancunataca ñuca yachachishcata mana chasquishcamantami curacunapuramanta anchuchisha. Ñuca mandashcacunata cungarishcamantami ñucapish cancunapac huahua huahuacunata cungarisha.

EZEQUIEL 22:26

Curacunapish, ñuca mandashcacunata mana cazushpami, ñucapaclla chicanyachishca pushtucunata mapayachin. Imami ñucapaclla cashcatapish, imami mapa cashcatapish mana yachancunachu. Imami chuya, imami mapa cashcatapish mana yachancunachu. Samana punzhatapish mana yuyarincunachu. Chashnami ñucata yangapi churancuna.

JEREMÍAS 23:11

Mandac Diosca: «Ñucamanta huillac runapish, curacunapish ñucataca mana manchancunachu. Ñuca huasipipish mana allita ruhuashcatami ricuni.

SAN MATEO 15:6

Chashnami taita mamata mana ayudashpa, Dios mandashcata mana cazushpa, yanga yachachishcallata catinguichic.

MALAQUÍAS 2:8

Ashtahuanpish cancunaca alli ñanmanta anchurishpami, ñuca mandashcacunata pandata yachachishpa, tauca runacunata mitcachic shina urmachircanguichic. Chashna ruhuashpami, levitacunahuan ari nishcatapish yangapi churarcanguichic.

SAN LUCAS 10:29

Chashna nicpipish, chai yachachicca mana upalla saquirircachu. Chaimantami: —¿Pi shuctatac cuyana cani?— nirca.

SAN LUCAS 6:36

Chashnallatac Dios ima shinami cancunata llaquin, chai shinallatac shuccunata llaquichic.

MARCOS 7:10

Moisés yachachishpaca: “Taita mamata cuyangui. Maijanpish taita mamata mana alli nicca, huañunami canga” nishcami.

JEREMÍAS 31:9

Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

SAN LUCAS 18:20

Dios mandashcacunata yachanguimi. Chaipica: “Ama huainayangui, ama huañuchingui, ama shuhuangui, ama llullangui, shinallatac taita mamata cuyangui” nicunmi— nirca.

SAN MATEO 15:4

Dios mandashpaca: “Cambac taita mamata cuyangui” shinallatac “Maijanpish taita mamata mana alli nicca, huañuchishcami canga” ninmi.

OSEAS 5:1

Mandac Diosca: «Curacunalla, israelcunalla, jatun mandacpac huasipi mandashpa tiyaccunalla, caita uyaichicyari. Cancunaca Mizpa llactapica urmachic tuclla shina, cutin Tabor urcupica tuclla shinami carcanguichic. Cancunatami taripashpa llaquichisha.

DEUTERONOMIO 1:31

Shitashca pambapi imata ruhuashcatapish ricurcanguichicmi. Ñucanchicta Mandac Diosca shuc taita churita maquimanta aisashpa shamuc shinami, cancunataca tucui ñanpi cuidashpa, caicaman apamurca” nircani.

SALMOS 123:2

Riqui, serviccuna paicunapac amopac maquita chapacuc shina, servic huarmicuna paicunapac amapac maquita chapacuc shinami, ñucanchicca Mandac Dios llaquingacaman, paillata chaparacunchic.

PROVERBIOS 17:6

Yuyaccunapac sumac coronaca nietocunami. Shinallatac huahuacunapac cushicunaca taita mamami.

ISAÍAS 43:23

Ñucaman cushpa, rupachingapac animalta mana apamurcanguichicchu. Ñucata alli ningapac mana animalcunata curcanguichicchu. Ñucaca ofrendatapish mana mañashcanichu. Inciensota mañashpapish mana piñachircanichu.

JEREMÍAS 3:4

Cunanllami canca: “Ñuca taitalla, huambrarac cacpica, canmi ñucata pushashpa purircangui.

JEREMÍAS 35:16

Recabpac churi Jonadab huahua huahuacunaca ñaupa taita mandashcataca tucuita cazushcacunami. Ashtahuanpish cai gentecunaca manatac cazuncunachu” ninmi ningui.

SOFONÍAS 3:4

Dios ima nishcata huillaccunaca jatun tucushca, llullashpa umaccunami. Curacunapish Diospac huasita mapayachiccunami, mandashcatapish mana cazunchu.

MALAQUÍAS 2:1

Tucuita Mandac Diosca: «Curacunalla, cai mandashcacunaca cancunapacmi.

MALAQUÍAS 2:10

¿Manachu tucui ñucanchicca shuclla taitata charinchic? ¿Manachu shuclla Dios ruhuashca canchic? Chashna cashpaca, ¿ima nishpatac ñucanchicca caishuc chaishuc mana cazunacushpa, ñaupa taitacunahuan ari nishcataca yangapi churanchic?

DEUTERONOMIO 32:6

Imatapish mana yachac, yuyai illac gentecunalla, ¿chashnachu Mandac Diostaca ruhuana carcanguichic? ¿Paica manachu cancunaman causaita cuc Taita? Paimari causaita cushpa callarichirca.

ISAÍAS 45:10

Aij, taitata: “¿Imapactac ruhuarcangui?” niccunalla, mamata: “¿Imapactac sajuarircangui?” niccunalla» ninmi.

ISAÍAS 64:7

¡Cambac shutita mañacca pipish mana tiyanchu! ¡Pipish canhuan cangapac mana sinchiyanchu! Chaimantami cambac ñahuitaca ñucanchicmanta pacarcangui. Ñucanchic mana allicunata ruhuashcacunallatac mandac shina, charicucpimi, anguyac shina, llaquita apachun saquircangui.

MALAQUÍAS 3:5

Tucuita Mandac Diosca: «Chaipimi brujocunatapish, huainayaccunatapish, llullashpa ari niccunatapish taripashpa llaquichisha. Cullquimanta trabajaccunata, viuda huarmita, taita mama illac huahuacunata, caru llacta runacunata llaquichishpa, ñucata mana manchashpa causaccunatapish llaquichisha» ninmi.