SAN LUCAS 9:56 - Dios Rimashcata Quillcashcami

⁵⁶ Runa Tucungapac shamushca ñucaca, mana causaita chingachingapacchu shamurcani, ashtahuanpish causaita cungapacmi shamurcani— nirca. Chaimantaca shuc llactaman rircallami.

Nuevo Testamento en Quichua Cañar 1996

⁵⁶ Runa Tucungapac shamushca*f** ñucaca, pitapish mana chingachingapacchu shamurcani, ashtahuanpish quishpichingapacmi shamurcani— nishpa, sinchita rimarca. Chashna nishpaca, shuc llactaman rircacunallami.

SAN LUCAS 9:56 Referans Kwoze

ROMANOS 12:21

Ama millai ruhuana yuyaicuna mishachun saquichicchu. Chaipac randica, allita ruhuashpa millaita mishai.

SAN MATEO 20:28

Chai shinallatacmi Runa Tucungapac shamushca ñucaca, mana servichingapac shamurcani, ashtahuanpish servingapac, huañushpa achcacunata quishpichingapac shamurcani— nirca.

SAN JUAN 3:17

Diosca mana cai pachapi causaccunata llaquiman cachachunchu paipac churitaca cacharcachu, ashtahuanpish cai pachapi causaccunata quishpichichunmi cacharca.

SAN JUAN 10:10

Shuhuacca shuhuangapac, huañuchingapac, chingachingapacmi yaicun. Ñucaca causaita cungapac, yalli causaita cungapacmi shamurcani.

SAN LUCAS 19:10

Runa Tucungapac shamushca ñucaca, chingarishcacunata mashcashpa, quishpichingapacmi shamurcani— nirca.

SAN MATEO 18:10

Cai huahuacuna shinapuramanta maijanta ama mana valichinguichicchu. Ñucaca: Paicunata jahua pacha Taitapac ñahuita ricuc angelcunami cuidacun ninimi.

1 TIMOTEO 1:15

Jesucristoca juchayuccunata quishpichingapacca cai pachamanmi shamurca. Cai huillashcaca chashnatac cashcamantami tucui mashna crina canchic. Juchayuccunamanta nishpaca, ñucami punta yalli juchayucca cani.

SAN JUAN 12:47

Maijanpish ñuca rimashcata uyashpapish mana cazuctaca, mana ñucachu taripasha. Mana cai pachapi causaccunata juchanchingapacchu shamurcani, ashtahuanpish quishpichingapacmi shamurcani.

SAN LUCAS 23:34

Chashna chacatacpipish Jesusca: —Ñuca Taitalla, cai gentecunaca ima ruhuacushcata mana yachanchu. Chaimanta perdonai— nirca. Cutin Jesuspac churanacunata suerteta ruhuashpami chaupinacurca.

SAN LUCAS 22:51

Chashna piticpimi Jesusca: —Ña chailla, saquichic— nirca. Chaimantami chai runapac ringri chugripi tuparishpa, alliyachirca.

SAN MATEO 5:39

Ashtahuanpish ñucaca: Piñactaca ama piñanguichu, ashtahuanpish maijan canta alli lado jazhapi huactacpica, lluqui lado jazhapipish huactachun saquingui.

SAN LUCAS 9:55

Chashna nicpi, Jesús tigraricushpaca: —Cancunaca imata rimaricushcatapish mana yachanguichicchu.

SAN LUCAS 9:57

Ñanta ricucpimi, shuc runa Jesustaca: —Apunchic Jesús, can maita ricpipish catisha ninimi— nirca.

SAN MATEO 18:11

Runa Tucungapac shamushca ñucaca, chingarishcacunata quishpichingapacmi shamurcani.