SAN LUCAS 9:31 - Dios Rimashcata Quillcashcami

³¹ Sumaimana achiclla chaupipimi, Jesús Jerusalenpi huañunamanta parlanacucurca.

Nuevo Testamento en Quichua Cañar 1996

³¹ Paicunaca sumaimana achiclla chaupipi, Jesús ima shina Jerusalenpi huañuna cashcatami parlanacurcacuna.

SAN LUCAS 9:31 Referans Kwoze

FILIPENSES 3:21

Apunchic Jesucristo imatapish ruhuaclla cashcamantami, pai nicpica imapish ruhuarinlla. Chashna cashcamantami ñucanchic ismuclla aichatapish, paipac cuerpo shina sumacta ruhuanga.

2 PEDRO 1:15

Chaimanta ñuca huañushca quipapish, caicunata cancuna yuyarichunmi, ima shinapish utca huillashpa saquina cani.

1 PEDRO 5:10

Ashtahuanpish asha punzhacaman llaquicunata cancuna apashca quipaca, Diosllatacmi pi mana juchanchipacta, alli sinchiyachishpa, alli caticta, pi mana cuyuchipacta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun cuyaimanta huiñaita sumacyachishca cachun acllarca.

APOCALIPSIS 7:14

Shina tapucpimi ñucaca: «Amito, canllatacmi yachangui» nircani. Shina nicpi paica: «Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacshashpa yuranlla tucushcacunami.

COLOSENSES 3:4

Cristollamantami cancunaca causaita charinguichic. Chaimanta pai cutimucpica, cancunaca paihuanmi pai shinallatac sumaimana ricuringuichic.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañota anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa caticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa caticun.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

SAN LUCAS 9:22

Shinallatac Jesusca: —Runa Tucungapac shamushca ñucaca llaquicunata apanami cani. Curacunata mandac curacunapish, pushac yuyaccunapish, mandashcacunata yachachiccunapish mana ricusha nishpami huañuchinga. Chashna huañuchicpipish, quimsa punzhapica causarishami— nirca.

SAN LUCAS 9:30

Chaipica ishcai runacunami Jesus-huan parlanacucurca. Paicunaca shucca Moisés, shucca Eliasmi carca.

HEBREOS 11:22

Crishcamantami Josepish ña huañugricushpaca, Egipto llactamanta israelcuna llucshina cashcata huillashpaca, chai llactamanta paipac tullucunata apachun mandarca.