SAN LUCAS 8:6 - Dios Rimashcata Quillcashcami

⁶ Cutin maijan muyuca rumi allpapimi urmarca. Chai muyu huiñashpapish, mana achca allpa tiyashcamantami chaquirca.

Nuevo Testamento en Quichua Cañar 1996

⁶ Cutin maijan muyucunaca rumi allpapimi urmarca. Chashna huiñashpapish, mana achca allpa tiyashcamantami usiaipica chaquircalla.

SAN LUCAS 8:6 Referans Kwoze

SAN LUCAS 8:13

Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

HEBREOS 3:15

Chaimantami: «Dios rimashcata cunan uyashpaca, chai mana cazuccuna shina ama shunguta sinchiyachichicchu» nin.

AMÓS 6:12

¿Caballocunaca rumi quingraita callpanchu? ¿Mama cuchata yuntahuan yapunchu? ¡Cancunaca allita ruhuashpa causanataca venenota shinami ruhuashcanguichic! ¡Cashcata ruhuashpa causanataca jayac ajenjota shinami ruhuashcanguichic!

EZEQUIEL 36:26

Cancunamanca mushuc shunguta, mushuc yuyaitami cusha. Rumi shunguta anchuchishpami cazuc shunguta churasha.

JEREMÍAS 5:3

Mandac Dioslla, canca mana llullac cachunmi munangui. Paicunaca can macacpipish, llaquichishpa tucuchicpipish, mana entendircachu. Rumitapish yalli sinchi shungu tucushpami, cambacman cutinataca manatac munarca.

EZEQUIEL 11:19

Paicunamanca mushuc yuyaita, mushuc shungutami cusha. Rumi shunguta anchuchishpami, aicha shunguta churasha.

SAN LUCAS 8:5

«Shuc tarpuc runami tarpungapac llucshirca. Pai tarpucucpica, asha muyuca ñanpimi urmarca. Chaipi sarurishpa siricucpimi, zhutacuna shamushpa mururca.

SAN LUCAS 8:7

Cutin maijan muyuca casha chaupipimi urmarca. Shina cashpami, casha huiñashpa ñiticpica aguarirca.