SAN LUCAS 8:48 - Dios Rimashcata Quillcashcami

⁴⁸ Chashna huillacpimi Jesusca: —Huahua, crishcamantami alliyashcangui. Cushicushpa rilla— nirca.

Nuevo Testamento en Quichua Cañar 1996

⁴⁸ Chashna huillacpimi Jesusca: —Huahua, can crishcamantami ña alliyashcangui. Cunanca cushicushpa rilla— nirca.

SAN LUCAS 8:48 Referans Kwoze

SAN LUCAS 7:50

Chaimantami Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

SAN MATEO 9:22

Chaimanta Jesús tigrarishpa, huarmita ricushpaca: —Huahua, sinchiyailla. Can crishcamantaca ñami alli tucungui— nirca. Chai ratollatacmi huarmica alli tucurca.

HEBREOS 4:2

Ñucanchicmanpish paicunaman shinallatacmi alli huillaita huillarca. Shina cashpapish, paicunaca mana crircachu, criccunhuan mana tandanacurcachu. Chaimantami paicuna uyashcaca yangalla carca.

HECHOS 14:9

Paica Pablo rimashcata allimi uyacurca. Pablo chai runapac ñahuita allita ricushpaca, pai alliyanata cricuctami ricurca.

SAN LUCAS 17:19

Chashnami Jesusca chai runataca: —Can crishcamantami alliyashcangui. Cunanca jatarishpa rilla— nishpa cacharca.

MARCOS 5:34

Chaimantami Jesusca: —Huahua, can crishcamantami alliyashcangui. Cunanca, cushicushpa rilla. Ungüimantaca jambirishcanguimi— nirca.

2 CORINTIOS 6:18

Ñucaca cancunapac Taitami casha, Cancunaca ñuca churicuna, ñuca ushicunami canguichic» ninmi.

SAN LUCAS 18:42

Shina nicpimi Jesusca: —Can crishcamantaca alliyashcanguimi— nirca.

SAN MATEO 8:13

Chaimantami Jesusca soldadocunata mandactaca: —Huasiman rilla. Can crishca shinallatac alliyangallami— nirca. Chai nishca horasllatacmi, chai servicca alli tucurca.

1 SAMUEL 1:17

Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.

ÉXODO 4:18

Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

SAN MATEO 12:20

Cashcata ruhuashpa taripangacaman huishtuyashca cañatapish mana paquingachu, ashalla japiricuc mechatapish mana huañuchingachu.

SAN MATEO 9:2

Chaipimi paralisis ungüi japishca runata chacanapi apamurca. Jambirinata crishpa paicuna shamushcata Jesús ricushpami, chai ungushca runataca: —Huahua, sinchiyailla. Cambac juchacunataca perdonanimi— nirca.

2 REYES 5:19

Shina nicpimi Eliseoca: —Ama manchaichu, rilla— nishpa cacharca. Naamán paipac ñaupamanta caruyashpa ricpimi,

SAN LUCAS 8:47

Chaimantami chai huarmica alliyashcata mana pacaipac cacpi, manchaihuan chucchushpa Jesuspac ñaupapi cungurishpa, churanapi imapac tuparishcatapish, alliyashcatapish chai tucui gentecunapac chaupipi huillarca.